Electric lirthei thar Microlino tia hriat chu tunlaia electric lirthei ngaina tute ngaihven leh titi tui ber pakhat a ni mek. Amah hi a te bakah a cute reuh em a, tin kan hmelhriat tawh Tata Nano car aia te a ni bawk. Vawikat charge-a km 230 thleng tlan thei tura duan a ni.  

Microlino hi innovative electric scooter car niin electric urban mobility siamtu lar Micro Mobility, Switzerland lama inkulh te kutchhuak a ni. He company hi electric scooter kick theih chi siam chhuak hmasa bertu an ni a, kum 1999 khan an lo tlangzarh tawh a ni. Microlino hi khawpuia hman tur deuh bika duan niin scooter leh car designed chawhpawlh hmanga siam a ni.
 
Microlino hian electric motor chak tak watt 11,000 zeta sang neiin a top speed pawh 90 km/h a ni. Motor hian 100 Nm torque a siam chhuak thei a, accelerates hi second 5 chhungin 0-50 km/h a ni bawk. 
 
Scooter car hian lithium battery chak tak a hmang a, km 100 zeta thui a daih a ni. A battery hi type 1 charger hmangin darkar 1 chhung lek pawhin tam fe a charge hman. Scooter car-ah hian mi pahnih an chuang thei a, a hnung lam bungraw phurhna bawm hi liter 220 dawng a ni bawk. A rih zawng hi kg 535 chauh niin km 230 zeta hla a tlan thei thung. Darkar khatah km 90 atanga 115 zeta chak a tlan thei. Company lam sawi dan chuan khawpui chhungah ringawt chuan vawi khat charge hian kar khat chhung a daih an ti. 
 
Microlino scooter car hi rawng chi hrang hrang siam a nih bakah mahni duh danin a siam danglam tir theih a, online hmang pawhin a chah theih a ni. Car te pian hmang ang nei nimahse, company lam chuan car nilovin ke pali nei lirthei satliah an ti deuh kher thung. Swiss kutchhuak electric lirthei Microlino hian car a ang viau tak naa, car leh bike inkar vel niin company lam chuan an sawi a, a pian hmang erawh car ang deuh chiah a duan a ni a, mi pahnih chuan thei tur a siam a ni. Car te anga ngaih theih nimah se car nichiah lo, ke pali nei electric lirthei, scooter car niin an chhal bawk. Car leh motorbike inkar vel a nih ber chu. An sawi danin he scooter car hi hralh chhuah tura an la tlangzarh hma hauhin 30,000 zet chu an lo hauh lawk der tawh. 

Microlino hi lei tum an awm nual tawh a, a man hi India ramah chuan $ 15,340 (cheng nuai 12 bawr) a nih laiin Europe lamah chuan $ 13,400 (cheng 10.5 bawr) a ni thung. A siamtu Swiss company hian nipui chhung ngaia hralh chhuah ngei an duh a, Europe hmun dangah chuan tlemin a tlai deuh thung ang. Turin, Italy lamah pawh siam tum a ni a, kum khat chhunga siam tura bituk 1500 chu 10,000 bawr a tihpun an tum bawk. 

Battery    - LiFePo4 (LFP)
Range    - 200 km
Charge Time    - 4 hours
Power    - 11 kW (14.8 hp)
Price    - ₹ 997.214💱
✓ Removable battery
made in Switzerland  

Specifications
Brand    Micro Mobility
Model    Microlino
Speed    Motorcycle
Power    11 kW (14.8 hp)
Weight    513 kg
Battery    LiFePo4 (LFP)
Battery Life    1,000 cyclesℹ
Range    200 km
Charge Time :    4 hours
fast charger: 1 hours