ZALEN October 11, 2023 : Vawiin khan Tawi Bial MNF East Block huaihawtin Keifang Dawrkawn leh Saitual Dawrkawn-ah Campaign Kickoff leh MNF Official Candidate Lalrinenga Sailo hmuahna hun hman a ni. He biala MNF ticket a ding tur Aizawl Mayor chuan engtikahmah Tawi bial a tlanchhiatsan ngai loh tur sawiin a intiam.

He hunah hian MNF Official Candidate Rinenga Sailo chuan, Tawi bial mipuite tan hnathawh kawr ha tura inpe a nih thu sawiin, "Pu Zoramthanga kaihhruai sawrkar in mipui ngenna anga Saitual District a tipuitling zel hian hna thawk tak tak thin chu MNF ngei hi a ni tih a tichiang hle a. District fuke kim nei turin a hringtu MNF sawrkar leh a ngai," tiin, Saitual leh a chhehvel khua ten anmahni hmangaihtu hai lova, tun inthlanah pawh chakna an chan tir leh ngei a beisei thu a sawi. Thlan tlin a nih chuan Tawi bial mipuite tan theihtawp chhuahin ke a pen dawn tih sawiin, engtikah mah a tlanchhiatsan ngai lovang, tih a intiam thu a sawi.

Campaign Kickoff hi MNF General Headquarters GS VL. Krosshnehzova chuan, "Saitual leh a chhehvelin thi leh thau pawlhin District tihpuitlin ngiatin hma a la tawh thin a. Beidawn rum rum hnuah kum 2018 a MNF sawrkar chuan kan ngenna te a tihlawhtling ta a nih hi, kan beihna te kha theihnghilh lo ang u. Kan district neih hi a la famkim pumhlum lo tih kan hria, a tahtawla hmasawna kal tur a ni. Chuvangin a ram mipuite mamawh chu MNF hian huai takin a tihlawhtling mai zel a ni. Mi tam takin sawrkar tawhten engmah ti lo, hna pawh thawk lo anga an sawi fo hi inenfiah se ka duh a ni," a ti.

MNF GS Zotea chuan, Tawi bial mipuite hnenah ngenna siamin, kan hma election lo awm tur ah hian theih tawp chhhuah tur in ka sawm che u a, theihtawp inchhuah ngei ka ring a ni. Pathian leh Kan ram tan kan bei zel anga, Mipui hnen thleng phak SEDP pawh sem chhunzawm zel a ni dawn a ti.