Aizawl: FCS&CA Minister John Rotluangliana chuan tawng in hriat pawh tawn hian in unauna tha leh inlungrualna a thlen thin tih a sawi. Nimin Vanapa hall-a Mizoram Chakma Students Union Zonal Hqrs, Aizawl in Fresher Social an hmanna ah he thu hi sawiin Minister chuan, "Mizoram-a khawsa leh chengte chuan Mizo tawng an thiam ngei tur a ni a, kan chenna hmuna an tawng hman kan thiam loh chuan tlangnel a har thin a ni," a ti a. Mizoram-a hnam hrang hrang, tawng hrang hrang hmang awm khawmte chu Mizoram hmasawnna turin thawhhona leh tanrual a ngaih thu a sawi bawk. John Rotluangliana chuan, Mizo thalaite zirna lamah nasa taka hma an sawn rualin degree sang tak nei si chhawr tlak loh an awm chu pawi a tih thu a sawi a. Zirlai kalkhawmte chu hlawhtling ngei tura an zirlaite zir tura fuihin, passed chhuak ngawt lo a eizawnna atana hman tlak thiamna zir chhuak turin a chah a. Fresher's social tanpuina atan Rs. 10000 a hlan bawk. Chakma Students Union Fresher Social ah hian Dr. Buddha Dhan Chakma, MoS Sericulture & Fisheries leh midang ten thu an sawi bawk.