Aizawl; Transport Department leh Traffic Police ten June 16-20 chhunga Aizawl khawpui Taxi service-te an endik naah document diklo 741 an hmuchhuak. Transport leh Traffic Police hian Taxi 3410 vel an endik .Heng zinga 2669 chu document nei fel fai an ni. Thudawn danin document fel lo zingah hian Fitness Certificate nei lo an tam ber a, Insurance fel lo leh Professional license nei lova Taxi khalh mi engemaw zat an man chhuak bawk. Transport Department hotute chuan, Taxi endik tawhte chu sticker bel zel a nih thu sawiin, la endik loh vanga sticker la bel lohte chu an tlan chhuah hunah man an nih tur thu an sawi a, sticker bel lote hi zawn chhuah an tum thu leh man chhuahte chu an permit suspend emaw, cancel sak emaw thlenga hrem an nih tur thu an sawi.