ZALEN, Aug. 2, 2024; Taxi driver pakhatin a passenger-te phone theihnghilh/tihbo tukin khan a pelet a, phone neituten an lawmthu social media lamah an tarlang.

Social media (facebook) a post an siam danin, nimin (1.8.24) khan thingtlang lam atanga Aizawla kalte chuan an taxi hmanah phone an thlauh palh a (phone hi flight mode-ah an dah).

Phone neitute mangang taka an awm laiin, an taxi hman Achunga, Aijal Club bula ding chuan tukin khan a neitute pan leh vang vangin an phone theihnghilh/tihbo hi a pe leh a ni.

"Mizoram chhe deuh vek tawh ang hiala mi thenkhatten an sawi laia, mi rinawm tam tak an la awm zia kan mit hmuh ngeiin a takin kan tawng e. Pu Achunga te chhungkua Lalpan malsawm rawh se," tiin an lawmthu an tarlang.