American pop star Taylor Swift chuan 'Eras Tour' a nei mek zel a, show a neihna hmunah lawm a hlawh thin hle. Tour a neih mek lai hian ‘Lavender Haze’ acoustic version a tichhuak bawk a, fante tan chuan lawmna tur hlir a ni ber.   

Zirtawpni khan ‘Lavender Haze’ acoustic version hi a tichhuak a, social media lamah a tarlang bawk. January thla khan - Tensnake, Snakehips, Jungle leh Felix Jaehn te thawhpuiin 'Lavender Haze' remix a lo tichhuak tawh bawk.

'Lavender Haze' hian Billboard Hot 100-ah No.2 a kai phak a, Midnights track zingah chuan 'Anti-Hero' tih lohah chart-a thleng sang ber a ni. A hla zinga No. 1 luah rei ber chu 'Anti-Hero' hi a ni a, kar riat chhung zet chu dinhmun sang ber a luahpui thei a ni. 
'Anti-Hero' remix pawh hi Bleachers, Roosevelt, Kungs, Jayda G leh ILLENIU te thawhpuiin a lo tichhuak tawh bawk a nih kha.