Rimawi khawvelah a ni aia ropui an awm tawh chuang lo ang tih tur khawpin hming a chher tawh a, tun chuan film industry lam a hawi ve lawk dawn. Kum 32 mi Taylor Swift hian ama script ziah a direct dawn a, hei mi chungchang hi Zirtawpni khan puan a ni.  

American singer hian a music video pahnih - The Man leh Anti-Hero te kha direct a, tawn hriat a lo nei ve tawh. Film lamah erawh tawnhriat a la nei chiah lo a, a vawi khat nan director hna a thawk dawn a ni. A film siam tur hi Searchlight Pictures ten an produce dawn a ni. 

Searchlight presidents David Greenbaum leh Matthew Greenfield te chuan thuchhuah siamin, "Taylor Swift kan thawhpui thei tur hi kan lawmin kan inchhuag tak zet a ni," tiin an sawi. Taylor Swift hi September thla khan Toronto International Film Festival-ah a tel a, hemi tum hian feature film siam tumna a neih leh neih loh an zawt. Swift hian ruahmanna a lo nei sa tawh a,  chumi tihawhtling tur chuan ke a pen mek a ni. 

Kum 32 mi Taylor Swift hi English actor Joe Alwyn (32) nen kum 6 zet an inzui tawh a, an chanchin erawh hriat tur a tam lo hle. 

Tun tuma a feature film direct tur hi ama ziah a ni bawk a, en a chakawm tawh hle - tihchhuah hun tur erawh a la hla deuh ag. Kum 2020 kha a vawi khat nan a music video 'The Man’ a direct a, hei hi Best Direction award a lakpui nghe nghe.