Taylor Swift 'Eras Tour' chuan rimawi khawvel a sawi nghing a ni ber a, sum leng vak pawh a tam tham viau ang tih a rinawm. American singer hian a tour chhunga amah puitute hnena bonus a sem chhuak a, hei hi $mtd 55 chuang a tling hem mai!

Kum 32 mi pop star hian a dancer, sound technician, catering leh rigger te hnenah bonus tam tham tak a pe a, production truck driver mi 50 vel hnenah $100,000 theuh a pe bawk nia tarlan a ni. Taylor Swift hian a tour a hlawhtlin theih nana tha thawhtute a hlamchhiah hauh lo a, an thawhrimna chu sum hmangin a rul let a ni. 

Taylor Swift 'Eras Tour' hi tour awm tawh zinga ropui ber zingah chhiar tel a ni reng tawh dawn. July 22 leh 23 khan Seattle-ah concert neiin mipui pungkhawm leh sound system-in lei a nghawr nat zawng chu lirnghing tehna magnitude 2.3 tluk zet a ni! Hei vang hian 'Swift Quake' tih tawngkam pawh a pian phah nghe nghe a ni.