Eras Tour nei mek Taylor Swift chuan Inrinni zan khan Acrisure Stadium, Pittsburgh, Pennsylvania-ah concert a nei a, entu ngah record thar a siam. Taylor Swift concert hi mi 73,117 zetin an chhim a, he stadium-a mipui an punkhawm tam ber tum a ni. 

Kum 2019 khan Acrisure Stadium-ah hian Garth Brooks chuan concert neiin 72,887 an pungkhawm a, hei hi Taylor Swift hian a rawn khum ta a ni. 

American pop star hian Eras Tour a nei mek a, thawm a nei na rem rem hle. A kalna a piangah mipui sing tel an pungkhawm a, ticket hralh chhuah atang tawhin record a siam chho mawlh mawlh a ni ber. 

Kum 33 mi Taylor Swift chuan, "Pittsburgh mipuite chungah lawmthu ka sawi e. Pennsylvania hi ka home state a ni a, record ropui tak kan siamho thei hi ka lawm tak zet a ni," tiin a sawi. Swift hian tour a neih chhunga a vawi khat nan stadium ngaiah concert a nei dawn a, chu hmun chu Acrisure Stadium hi a ni. 

A concert-ah hian mipui pungkhawm te chu Father’s Day chibai a buk a, fan te nen hun chhiahchhiah tlak tak an hmangho a ni.