American singer Taylor Swift chuan record thar a siam leh ta rup mai - hmeichhe artist zinga No.1 kai phak album ngah ber a ni. Hemi chungchang hi Billboard chuan tarlangin, No.1 kai phak album 12 nei thei hmasa ber a nih thu an puang. 

Kum 33 mi pop singer hian hun eng emaw chen record lo chelh tawhtu Barbra Streisand (11 album) chu a rawn khum a, record thar a rawn siam a ni. Swift hian tun hnai khan album thar 'Speak Now' (Taylor’s Version) a tichhuak a, hei hi Billboard-ah No.1 a ni leh mek. Din hmun sang ber a luah rual hian record thar hi a siam nghal a ni. 

Taylor Swift hian 'The Eras Tour' a nei mek a, a boruak a lian rem rem hle. A hawina lam a piangah mipui an thle dual dual a ni ber a, khawvel ram ropui US-ah meuh pawh a tour hian state sum din hmun a tha zawngin a nghawng phak hial niin an sawi!