American singer & songwriter Taylor Swift chuan January 27, Zirtawpni khan music video thar a tichhuak. A music video thar hi 'Lavender Haze' tih a ni a, a album thar ber 'Midnights' atanga single a tihchhuah pathumna a ni.

Taylor Swift music video thar hi a cool leh viau mai a, vidio pawh a hmuhnawm leh viau bawk. ‘Lavender Haze’ tih thumal hi kum 1950 bawra an phrase hman lar tak a ni a nghe nghe a, ama irawm chhuak a ni bawk. 

Kum 33 mi Taylor Swift hian nikum October tha khan a studio album 10-na 'Midnights' a tichhuak a, a hit rem rem hle. Chart hrang hrangah record a siam a, a album atanga a single tihchhuahte pawh a hit hlawm hle. A single thar ber 'Lavender Haze' YouTube lamah chuan mi maktaduai 7 chuang zetin an en leh der tawh a ni.