ZALEN May 04, 2026 : Lalchansânga (51), Dengsur khua chu rama an hnathawhnaah vawiin chawhma khan tekin a dêng a, Aizawl lam panpui a ni.  

Thu laknain a tarlan danin tek hian Chansânga thlam kawngkhar siam tha tur kut ding lamah a dêng a. A den tirhah hian a tlu a, a kalpui ten a kut leh ke hnawr an zai thi a, a ziaawm deuh hnuah kein an hawpui.

Kawng lakah ṭekin a denna, a kut dinglam leh a ke lam a nat zui tak avangin mi tlawmngaiten an zawn chhuak a, ZMC-an panpui leh a ni.

Ṭekin a denna a kut hi a hliam ve deuh a, a bak hliam dang a nei lo nia hriat a ni a. Chanchin buatsaih lai hi chuan ngaihtuahawm lutuk a ni lo nia thu dawn a ni.