ZALEN September 02, 2026 : Telangana sorkar aiawh study team mi pathumten vawiin khan Health Minister Lalrinpuii chu a office chamber MINECO-ah an kawm.

Telangana sorkar hian Directorate of Nursing din tumin hma a la mek a, an din theihna tura hmalakna pakhat atan leh zirchianna hun hmangin Mizora sorkar hnuaia Directorate of Nursing an rawn zir a ni. 

Study team-ah hian Telangana Health & Family Welfare Department Deputy Director S. Nagarjuna, GGH-Nagar Superintendent Dr. T. Usha Rani leh Secunderabad Government College of Nursing Principal Prof. R. Hansli te an tel.

Minister an kawm zawh hnuah Directorate of Nursing Office-ah Joint Director Lalchhanhimi kaihhruaina hnuaiah business session an nei a. Directorate of Nursing din chhuah dan leh organizational structure te sawihoin ni hnih chhung zirhona hi an nei dawn a ni.