Aizawl: Social Welfare Minister PC Lalthanliana chuan, “Pathian zarah Mizoramah term thum sawrkarna kan chelh dawn niin a lang,” a ti.   Nimina a bial chhung Bualpui V-ah thu sawiin PC Lalthanliana chuan, “Ram pumah kan boruak a tha a, Zoram politics-ah sawrkar tur reng reng chhim lam atangin a lang zel a ni. Sawrkarna term thum siam turin kan hotute hi Pathianin mal a sawm tlat a, a chhan chu mi rethei hlamchhiah miah lo sawrkar a nih vang a ni,” tiin mi rethei thil petu chuan Pathian a puktir thu a sawi. NLUP chu eptu party zawng zawngin Central-ah an hek thu Minister hian a sawi a, “Mi rethei zawk lamtang programme heti taka kan huaa kan itsik hi mak ka ti a. Thenkhatin High Court-ah PIL an lo thehlut a, keini chuan a aia sang Supreme Court-ah kan kal dawn lo, naktuk naktip lawkah mipui court-ah kan rel fel mai dawn a ni,” a ti.