DOWNLOAD OUR APP

Read latest news on your phone
app-store
Terrirorial ACSAL Special Conference; Salvation Army a phel dawn?
Jun 14, 2014
Aizawl; Nimin khan Kolasib Vengthar Community Hall-ah Salvation Army Territorial ACSAL Special Conference neih a ni a, a chhung lam atanga Salvation Army siamthat tuma hma an lakna chu chawlhsana, Kohhran thar din an rel a, Kohhran hming tur pawh puanchhuah thuai an tum. Thudawn danin, Kolasib Vengthara Territorial ACSAL Special Conference hian he thu buatsaih lai, nimin tlai khan Kohhran thar din an tum kalphung turte an ngaihtuah mek a, vawiin lamah Kohhran hming tur hi an sawiho dawn nia hriat a ni. Special Conference-ah hian Mizoram hmun hrang hrang bakah Manipur atangin palai engemawzat an tel a, zaninah Conference hi a tiak ang. Hun engemawchen atang tawhin Salvation Army Territorial ACSAL te hian Salvation Army chhungah siamthat ngai awma hria in, ACSAL kaltlangin siamthat tumin hma an la a. Hei hian awmzia a neih theih loh avangin siamthat tuma hmalakna chu chawlhsan an rel ta a ni. Hemi chungchanga an hmalakna avanga Salvation Army atanga hnawhchhuah leh Salvation Army atanga chhuaka Kohhran danga lut pawh engemawzat an awm tawh niin thudawnna chuan a sawi bawk.
Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh