Kum 2018 khan khawvel dengchhuak vanduaina a thleng a, Tham Luang puk, Chiang Rai, Thailand-ah football team-a an player naupang thahnem tak chu pukah an tang a nih kha. Kha ta an chhanchhuah zinga mi 'Wild Boars' team captain Duangpetch Promthep chu Thawhlehni khan UK-ah kum 17 mi niin a boral. A thih thu hian khawvel a barakhaih hle a, lainattu pawh a ngah hle. 
 
Duangpetch Promthep hi Leicestershire, UK-ah a khawsa a, Pathianni khan a dorm-ah nikhaw hre loa a awm hmuh a ni. Hospital panpui nghal a ni a, mahse a nunna chhan theih a ni ta lo. 

Promthep hian nikum khan football academy zawmin UK hi a pan a, a suangtuahna leh tum ram thleng hman loin a chungah vanduaina hi a thleng zui leh ta a ni. Leicestershire Police te chuan a thih chhan hi an la hre thei lo a, an chhui zui mek - a luah hliam a nei nia sawi a ni. 

Tham Luang puk atang khan naupang 12 dama chhanchhuah an ni a, an vai hian kum 11-16 inkar vrk an ni. An coach kum 25 mi pawh chhanchhuah zingah hian a tel. Tunah chuan khan naupangte kha tleirawl an ni tawh hlawm a, an team captain Duangpetch Promthep erawh kum 17 mi chauh niin boral ta a ni.