Zote Entertainment film siam thar leh turah zaithiam Francis Lallawmkima a inlan dawn a, Ruthy Chenkual nen an changdun dawn. 

Zote Entertainment hian tun hnaiah film hit tak tak an tichhuak nual a, boruak pawh an rawn nei lian sawt hle. 'Nutei Thingpui Dawr' an tihchhuah khan boruak an rawn nei hat a, hemi hnu hian 'Ka U Liana' an tichhuak leh. Zaithiam Vanlalhmangaiha channa 'Ka U Liana' film hi a hit rem rem hle a, tun hnaia Mizo film chhuakah chuan en hlawh ber a ni hial mai thei. 

An kutchhuak thar lam ber 'Amawii' pawh kha social media lamah titi a tling phak a, a hit lo tih phal chi a rual a ni lo. Heng movie-ahte hian lemchan lama tawn hriat la nei ngai lem lo mi thar eng emaw zat an awm thin a, an che tha viau zel thung. Ruthy Chenkual pawh tunah chuan Mizo film industry-a thawm nei lian leh mi star rawn a ni der tawh. 

'THAIBAWIH' (Hmeichhe lu chu mipa) film-a a inlan leh tur pawh hi thu lawmawm tak a ni a, a chanpuin tur Francis-a erawh mithar a ni. Zai lamah chuan tawn hriat ngah tawh viau mah se lemchan lamah erawh mithar a ni a, a che vel hmuh a chakawm tawh hle. Shooting hi June thla atangin an tan dawn a ni.