ZALEN, September 08, 2025: Pathianni atanga khelh tan, Badminton World Federation (BWF) World Senior Championship 2025-ah India aiawhin Mizo shuttler panga an inlan mek.

Pattaya, Thailand-a Pathianni lo awm tur thleng awh tur inelnaaa India aiawhte hi March thlaa Goa-a Yonex-Sunrise 47th Indian Masters (Veteran) National Badminton Championship 2025-a che thate an ni.

India aiawha zin mekte hi Lalmuanawma, Hlimen (45+ Men's Singles); Lalduhzuali, Durtlang (40+ Women's Doubles); Ponty Lalramtluangi, Zotlang (40+ Women's Doubles); K. Ramzauva, Khatla (60+ Men's Singles) leh Lalbiakliana, Saron Veng (65+ Men's Singles) te an ni.

Goa-a inelna neihah khan Muanawma hi 45+ Men's Singles-ah hian final lutin final khelh laiin a inhliam hlauh va, khel tluan thei lovin silver medal a lak a ngaih phah.

40+ Women’s Doubles-ah Duhzuali leh Ponty hian semifinal lutin bronze medal an la pha bawk.

Mizoram Badminton Association (MBA) chuan Mizo player-te hi India leh Mizoram tihmingthatu ni turin duhsakna a hlan tih an thuchhuahah an tar lang.