Aizawl; Labour, Employment and Industrial Training Department in thalaite thiamna chher hriam tura Skill Development Initiative Scheme a kalpui hnuah kum 2014-15 chhungin Mizo thalai 730 in hna an hmu tawh. LE&IT Department chhinchhiah danin heng thalai hna hmu thar zinga 191 te chu Mizoram chhunga thawk an ni a, a dang 539 te chuan state pawnah hna an hmu thung a ni. National Skill Development Intiative Scheme hnuaiah Mizoram chhungah thalai 456 ten training an nei mek a, mi 427-in Mizoram pawn lamah an nei mek bawk. He scheme hman atang hian Mizo thalai 737-in Mizoram chhungah training hi an zo tawh a, thalai 937 in Mizoram pawnah tha takin training an zo fel tawh bawk a ni.