Aizawl: Zirtawpni (20.2.2015) chhun dar 12 khan MJA President Pu Vanlalrema Vantawl chuan I&PR Auditorium ah Pu R.Hmangaihsanga lehkhabu pahnih 'General Knowledge 5th edition' leh 'Army Recruitment Rules' tih a tlangzarh. Tlangzarh paha thu sawiin MJA President chuan, "Hna chungchangah thalai ten harsatna an tawk fo thin a, hetiang anih laia hna pe thei lehkhabu ziaktu an awm hi thil ropui tak a ni a. A ngaihna hre lo thalai tam takin hna thar an hmuh theih phah ka beisei a ni," a ti. MJA President chuan lehkhabu tlangzarh tak chu thalai ten sipai awmzia leh luh dan an hriatna tur anih a beisei tih thu a sawi a. MJA President chuan incheina leh social media hman chungchangah thalaite an fimkhur a ngai tih sawiin, "changkanna hi incheina leh mobile phone neih changkan lam ni lovin mahni thiamna mila hna thawh tur zawn a ni zawk a ni," a ti a. Thalaite chu social media fimkhur leh zuala hmang tur leh an thiamna leh hriatna tizau thei tur ngaihtuah kawngah tun aia tan la lehzual turin a chah bawk.