Mahindra Pikup 4x4 LPS Pro Muaythai 2022 quarter final chu zirtawpni zan khan khelh zawh a ni a, October ni 25 thawhlehni leh a tuk nilaini zanah semi-final khelh chhunzawm a ni ang.     

Zirtawpni zan quarter-final result:

FLYWEIGHT
Benjamin Zonunsanga (Luangmual) vs bt TZ Munga (Suangbem, Myanmar)
= Technical Knockout (Round 2, 1:20 min)
    Senior national gold medal paruk la tawh, kum 25 mi Benjamin Zonunsanga'n a tir lamah chet a harsat na a, insiam remin tharuma amah beitu leh muaythai tawn hriat tlachham, kum 17 mi TZ Munga a thunun hneh telh telh a, round hnihna laihawlah a nuai tlawm. Benjamin Zonunsanga hian semi-final zan hnihnaah Lalngaihawma, Hunthar a hmachhawn ang. 

BANTAMWEIGHT
Isak Lalruatfela (Bethlehem Vengthlang) bt TC Lalrinawma (Thuampui)
= Knockout (Round 2, 1:53 min)
     Junior national gold medal pahnih la tawh, kum 18 mi TC Lalrinawma'n beiseiawm takin bul a tan a, ban sei zawk a nihna chhawr tha viau mah se ani aia tawn hriat nei leh national gold medal pali awrh tawh, kum 25 mi Isak Lalruatfela'n nghet takin a khel a; round hnihnaah chungnung zawk a nihna lantirin a khupin a nakah a do a, lehlamin a bei zui thei tawh lo. Isak Lalruatfela hian smi-final ah Ramdinthara, Pangzawl a hmachhawn ang.

LIGHTWEIGHT
Ngursaimawia (Luangmual) bt Lalrohlua (Dinthar)
= Knockout (Round 1, 1:16 min)
    Kum 27 mi Ngursaimawia'n thiamna tha tak hmangin ani aia kum kuaa naupang Lalrohlua a hneh a; national pro muaythai champion kawnghren vawi hnih hreng tawh hian minute khat chuang awrh chauh an inbei tihin a ke ding lamin a bekah chiang takin a pet a, chhuatah che chang mai lovin Rohlua a tlu a, bawihsawm zui a ngai. Semi-finalah Ngursaimawia hian Lalramsanga Upper Sakawrdai a hmachhawn leh ang. 

WELTERWEIGHT
Zarmawia (Chite Veng) bt Vanlalchhuanga (Dawrpui Vengthar)
= Split Decision (30-27, 29-28, 27-30)
    India rama mixed martial arts champion ni thei, kum 24 mi Zarmawia'n round hnihna atangin tanhmun a siam rem a, a tawp thlengin ngam tak leh hneh takin a nawr. Kum 25 mi Vanlalchhuanga'n round hmasa berah chiang tak takin a hnek a, a hnuah hnek fuh langsar nei zui tho mah se inbeihna boruakah a ngam tial tial a, a inhamtang zo ta lo. Zarmawia hian semi-finalah Lalchhuanmawia, Republic Vengthlang a hmachhawn ang. 

SUPPER MIDDLE OPEN
Lalchhuanmawia (Republic Vengthlang) bt Muanpuia (East Phaileng)
= Technical Knockout (Round 3, 2:01 min)
    Kum 32 mi Lalchhuanmawia thiamna kawng hrang hrangah theihna tha zawk a nei tih a lantir a, muaythai tawn hriat tlachham kum 27 mi Muanpuia'n lehlam kut leh ke dang hneh lovin round thum tawp lamah Chhuanmawia'n a hnek hnuah a khupin a do a, East Phaileng tlangval a tlawm.
    D3 Haier Fighter of the Night-ah Zarmawia, Chite Veng chu thlan a ni. 

SEMI-FINAL FIXTURE

 Zan 12-na : October 25, 2022 (Thawhlehni) - 8:00 PM : Bout 5
FLYWEIGHT
Joseph Vanlalhruaia (Hunthar) v R Lalbiaktluanga (Zemabawk)
BANTAMWEIGHT
Eric Biakthianghlima (Thuampui) v Lalruatkima (Falkland)
LIGHTWEIGHT
Nazareth Lalthazuala (Zemabawk) v 
George Lalmuanawma (Chawnpui)
WELTERWEIGHT
Isaac Lalchhuanmawia (Chanmari) v Malsawmtluanga, Dinthar
SUPER MIDDLE (OPEN)
Lalthasanga Lelhchhun (Tanhril Vengthar) v 
Roluahpuia (Zemabawk)
Zan 13-na : October 26, 2022 (Nilaini) - 8:00 PM : Bout 5
FLYWEIGHT
Lalngaihawma (Hunthar) v Benjamin Zonunsanga (Luangmual)
BANTAMWEIGHT
Ramdinthara (Pangzawl) v Isak Lalruatfela (Bethlehem Vengthlang)
LIGHTWEIGHT
Lalramsanga (Upper Sakawrdai) v Ngursaimawia (Luangmual)
WELTERWEIGHT
Zarmawia (Chite Veng) v Lalchhuanmawia (Republic Vengthlang)
SUPER MIDDLE ( OPEN)
R Vanlalmuana (Republic Veng) v 
David Lalremruata (Zemabawk North)