Aizawl: Mizoram Youth Commission chairman Joseph Lalhimpuia chuan, “Kan tumruhna leh taimakna, thawhrimna nen hlawhtlinna hi kan sual chhuak thei reng tawh a ni a ti,” a ti. Ni 15.6.2018 zan khan Chanmari Branch YMA in YMA Day an lawmna ah he thu hi sawiin Pu Joseph Lalhimpuia, Chairman, MYC chuan MYC chairman Joseph Lalhimpuia chuan, “Theihtawp chhuaha lehkha zir thin te, Kohhran leh khawtlangah mi dangte tana tangkai thin te, an thiamna leh thawh rimna avanga dinhmun tha an chan pawha mi dangte tana malsawmna ni thei te hi tunlaia kan hnam pasalthate an ni,” a ti a. Thalaite chu Social Media leh Internet khawvel hmang tangkai turin a chah bawk. MYC Chairman chuan, “Pathianin Missionary-te hmangin min zawng chhuak a, thiamna, finna leh talent min pe a, vawiinah chuan Mizo thalai zingah zirna lamah leh infiamna lamah India ram mai ni lo, khawvel hmun hrang hrangah mite tluk loh leh entawn tlak  hmuh tur an awm ta nual a ni,” a ti bawk. YMA day lawmna inkhawm hi Lalhmangaiha, CBYMA President-in a kaihruai a, an veng chhunga zirna lama mi hlawhtlingte leh football lama hlawhtlingte chawimawina certificate an pek bakah, HSLC & HSSLC pass tharte chawimawina hun an hmang bawk.