October ni 11-18, 2022 chhung a Jwala Gutta Badminton Academy, Moinabad, Telegana a neih zawh tak All India National Sub-Junior Ranking Tournament-ah H. Lalthazuala s/o H. Zohmangaiha, Chanmari West chuan Under-17 Boy's Doubles in elna huangah Semi-final thlengin bronze medal a vaw chhuak. 

He tournament lian ah hian India ram hmun hrang hrang a Under-15 leh Under -17 player tha 1093 lai an fuankhawm a, Mizo naupang, phai lam academy tha a awm mek te pawh eng emaw zah an tel a ni. 

Under -17 inelna huangah Thazuala hian a partner Ashrith Valishetty nen seeded 6-na ni chungin inelna an hmachhawn a, quarter final-ah seeded 2-na te vaw thla in semi-final an lut. Semi-final game hmuhnawm takah deciding game-ah vanduai zawkah tangin bronze medal hi an hlawhchhuak a ni. 

He All India Ranking Tournament lianah hian Mizo naupang te an che tha thawkhat hle a. Under -15 Boy's singles-ah Vanlalpekhlua Sailo (Serchhip) in pre-quarter final a thleng a, U-15 Boy's Doubles ah Malsawmhlua leh Vanlalpekhlua Sailo (Serchhip ve ve) ten pre-quarter final an thleng bawk. 

Under -15 Mixed Doubles huangah Malsawmhlua (Serchhip) leh a partner Pranjala ten pre-qurter final theng bawk in, Under -17 Mixed Doubles ah Lalnuntluanga leh Lalrempuii (Serchhip ve ve) te tangdun chuan pre-quarter final tho an thleng bawk a ni. 

Tin, he tournament lianah hian Mizo naupangte enkawl a, kaihruai turin Pullela Gopichand Badminton Academy a coach ni lai mek, Eddie Lalfelkima chu a kal tel bawk a ni.