English rock band lar The Beatles chuan band anga an hla hnuhnung ber tur an tichhuak ta. An hla thar hi 'Now And Then' tih a ni a, November 2, 2023 (Ningani) khan an tichhuak a ni. 

Kum 1957-a din The Beatles hian tun hnai khan hla thar an tihchhuah tur chungchang hi an tarlang a, band anga an hla hnuhnung ber tur a nih thu an sawi bawk. John Lennon hla phuah 1978 an tihchhuah atangin kum tam tak a vei tawh a, an hjlutna erawh a zual tulh tulh emaw tih mai tur a ni. An hla tharah hian an band dintu leh member pawimawh ber tih ngam famta John Lennon aw pawh tihlan a ni a, an member te aw tih lan vek a ni. 

An hla hi streaming service - Spotify, Apple Music leh Amazon Prime Music-ahte ngaihthlak tur a awm a, November 10-a an tihchhuah tur The Beatles Red and Blue greatest hits album (remaster) ah pawh an telh dawn a ni.