Mizo film thar 'The Ghost Hunter - Kaphranga Fatlum Awitea' chu August 25, 2023 Zirtawpni zan khan Saikuti Hall, Lunglei-ah tlangzarh a ni ta. He film hi Mizo film industry-a hmuh tur tam lo tak 'horror/comedy' a ni a, en man hla tur tak a ni.

He film hi tun hma deuha Lunglei lam chhuak film tha tak tak - Mission, House No. 109 leh Cabin te lo buaipui tawh tute zinga mi Johan Lalhmunmawia (JC Motion Pictures) kutchhuak a ni. A changtu zingah hian 'Ka U Liana' film-a a changtunu ber Esther Hadasi Ralte a tel a, thlahrang lemah a chang! 

'Where' film atanga mi hriat hlawh Elvis Ngurchungnunga bakah YouTube lama mi lawm hlawh tak Lalrozuala Chawngthu te chu a changtu langsar an ni. Anni bakah hian Zoram mipuiin kan hmelhriat sa - Mastea, Rosangpuii Ralte leh K. Vanlalawmpuia (Zabilha) te pawh an in lan a ni - Lersia Play app-ah en theihin a awm. Tih leakout sak lo turin film siamtute chuan mipuite an ngen nghal bawk.