American actor James Caan chu July 6, Nilaini khan Los Angeles, California, USA-ah kum 82 mi niin a boral. 'The Godfather' star hi a thihchhan tarlan a ni lo a, a fate panga a kalsan a ni. 

James Caan hi kum 1970 chho kha chuan Hollywood industry-ah hriat hlawh ber zinga mi a ni a, film award ngahhlut ber ber - Oscar, Emmy leh Golden Globes-ahte pawh award dawng thei tura chhawpchhuah zingah vawi eng emaw zat a lo lang tawh.  

The Godfather film-ah khan Sonny Corleone lemah a chang a, a larpui hle. Nupui pali a nei hman a, fa pawh panga a nei a ni. Mi tam takin amah uina thu an tarlang a, film a lo chanpui tawh Gary Sinise leh  filmmaker Rob Reiner te chuan thawhpui nuam an tih thu leh an ui thu an sawi. Comedian Andy Richter pawhin a uizia a tarlang. 

Caan hian American Football player nih a tum thin a, mahse khawvelin a hriatna erawh lemchan khawvel atangin a ni ta thung. Hofstra University a kal lai atangi film a chang tan a, heta tang hian 'The Godfather' director Francis Ford Coppola nen hian an intawng nghe nghe a ni.