American synthwave band The Midnight te chu February 20, 2024 (Thawhlehni) zan hian Aizawl-ah an rawn che dawn - Brigade Field, Bawngkawn-ah Concert an nei ang - nimin khan Aizawl an lo thleng. Inbuatsaihna pawh ngawrh taka kalpui a ni - hetih lai hian International band rawn kal tawhte ngaihtuah chuan an thawm a reh rih riau! 

The Midnight hi Atlanta singer leh songwriter Tyler Lyle leh Los Angeles Danish-born producer, songwriter leh singer ni bawk Tim McEwan ten an din a ni a, hriat an hlawh ve hle. An thawm erawh a lian tawk lo deuh niin a lang a, Mizo thalai zingah social media lama hemi chungchang tarlang hmuh tur an tam lo hle - a hun a thleng dawn hnaia boruak a lian chho turah beisei ang.  

The Midnight te hi Aizawl-ah hian Fame Entertainment leh Thul ten an chah lut dawn a, an zai gainatute tan chuan chanchin lawmawm tak a ni ngei ang. 

The Midnight 'India Tour' hi vawiin atangin GYLT, Bengaluru-ah tan a ni ang a, hemi zawh hian Aizawl an rawn pan dawn a ni. February 22-ah Noune Resort, Dimapur-ah an concert leh dawn a, February 24 hian Bloomverse Festival, Meghalaya-ah an zai leh bawk ang.