NEC tlawh Governor Lt.Gen. Nirbhay Sharma chuan Thawh?anni (3.4.2017) khan Shillong-a North Eastern Council (NEC) pisa a tlawh a; amah lo dawngsawngtu NEC secretary Ram Muivah leh official-te nen NEC hnuaia ruahmanna kalpui mekte an sawiho. Lei tlahniam Ni 3.4.2017 (Thawhtnni) zing khan MG Road, Aizawla Baptist House thlangah lei a min a; hlauhthawnawma ngaih a nih avangin Baptist House chu tiruak nghal turin sorkarin a hriattir a, bungruate thiar chhuah nghal a ni. MPC in dem MPC party chuan ni 3.4.2017 (Thawhtanni) khan thuchhuah siamin, Mizoramin kawlphetha siam chhuah mumal tun thlenga sawi tur a la nei lo chu chief minister ni tawh pahnih Lal Thanhawla leh Zoramthanga ten an sawrkar chhunga hmalakna an neih loh vang leh a ngaihna an hriat loh vang niin an sawi. MNF zawm Ni 3.4.2017 (Thawhtnni) khan Mizo Students' Union (MSU) hruaitu hlui eng emaw zatin MNF party an zawm a, MNF president Zoramthanga'n Mizo Hnam Rûnah a lawm lut. Zoramthanga chuan, Chief Minister a nih leh chuan a CM hmasak lai aiin a lêt tam taka a thiam tawh tur thu a sawi. CS in chah Ni 3.4.2017 (Thawhtanni) khan chief secretary Lalmalsawma hoin Secretariat conference hall-ah secretary leh head of department-te an ?hukhawm a; Assembly session neih zawh tak an thlir let a; Chief Secretary chuan hun vawng dik turin officer-te a chah. Press kawm Mizoram CSS Hindi Teachers Association (MCHTA) hruaitute chuan ni 4.4.2017 (Thawhlehni) khan Aizawl Press Club-ah thuthar thehdarhtute an kâwm a, Mizoram sorkara dah ngheh an phût chungchangah theihpatawpin hma an la zel dawn tih an puang a, "Kan hlawhtlin hma chuan a tawp thlengin hma kan la zel dawn," tiin MCHTA chuan media te an hrilh a ni Jubilee Aizawla mimal enkawl damdawiin hmasa ber, Greenwood Hospital, Aizawl chuan ni 5.4.2017 (Nilaini) khan an kum 25 tlin, silver jubilee chu Tourist Lodge, Chaltlang-ah an lawm a, chief minister Lal Thanhawla leh Health minister Lal Thanhawla ten an hmanpui. Greenwood Hospital hi February 1992-ah din a ni a, a tirah khum 20-a bul ?an niin, tunah khum 82 an nei mek a, thawktu 130 an awm mek a ni. In kang Thawhlehni zan zanlai vel khan Vaivakawn Vengthlang (Zohnuai)-ah kângmei a chhuak a, in 3 kangin bungrua a kangchhe tam hle. Dang Champhaia bawng vulhtute chuan December 2015 a?anga May 2016 chhunga bawnghnute man an lak theih loh avangin ni 5.4.2017 (Nilaini) khan an bawnghnute leisaktu CHAMUL managing director, Champhaia AH & Vety officer ni bawk Lalchungnunga Pudaite chu a pisa kai tur an dang. CM sawipui Relyon Solar Power Private Ltd. hotute chuan ni 5.4.2017 (Nilaini) khan CMO conference hall-ah chief minister Lal Thanhawla an kâwm a; Mizorama ni zung (solar) hmanga kawlphetha siam chhuak tura ruahmanna an duan te an sawipui. Hmanpui Ni 6.4.2017 (Ningani) khan Govt. T. Romana College chuan Vanapa Hall-ah an kum 25 tlin, silver jubilee an lawm a, Health and Family Welfare Minister Lal Thanzara chuan a hmanpui. Gas man thar FCS&CA chuan thuchhuah siamin, April 1, 2017-a Indian Oil Corporation-in eirawngbawlna gas man a bithliah thar angin Mizoramah gas man bithliah thar a nih thu a tarlang. Gas man tharah chuan, Vairengte tih loh khaw dang zawnga gas distributor-ah domestic gas bûr khat man Rs. 875.50 a ni a, chuta ?anga subsidy tur chu Rs. 420.01 a ni. Vairengte-ah chuan gas bûr khat man Rs. 860.50 a ni a, subsidy zat chu Rs. 406.53 a ni.