Inkawm Chief Minister Lal Thanhawla leh NITI Aayog Vice Chairman Dr. Rajiv Kumar te chu ni 6.11.2017 (Thawhtanni) tlai khan CM Bangla-ah an inkawm a, an inkawm zawhah Minister te leh sawrkar mi pawimawhte Chief Minister's Conference Hall-ah an kawm leh nghal a ni. MNYF-in hma la MNF Thalai chuan November 6, 2017 (Thawhtanni) tlai dar 4:30 khan Zuangtui Kudam tlawhin mipui hnena sem tura tih buhfai eitlakloh sem tum chu motor atangin an hlangthla leh tih an sawi. Vailiam Ni 6.11.2017 (Thawhtanni) zing khan Lammualah Chief Minister Lal Thanhawla chuan ram pathum India, Myanmar leh Bangladesh ramchhung, motorcycle chuanga fangkual mek sipai 33 awmna, Assam Riffles Tri-Nation Motorcycle Expedition team chu Myanmar lama fehchhuak turin a vailiam. Endik Ni 6.11.2017 (Thawhtanni) khan Legal Metrology Enforcement Squad te chuan Aizawl khawpui chhunga sumdawng te bungraw zawrh an endik a, thil dik lo ti eng emaw zat an man. HM-in hawng Home Minister R.Lalzirliana chuan ni 6.11.2017 (Thawhtanni) khan I&PR Dept. leh Mizoram Art Development Society tangkawpa buatsaih Mizo lemziak thiam Lalramchuana Sailo ‘First Solo Exhibition of Painting’ chu Recreation Centre, Zarkawt-ah a hawng. BJP-in thlen BJP Mizoram Pradesh chuan ni 6.11.2017 (Thawhtanni) khan Mizoram mipui tena eirawngbawlna Gas chungchanga harsatna an tawh mek sukiang tura ngenna Union Minister for petroleum Dharmendra Pradhan hnenah an thlen. Sawiho Ni 6.11.2017 (Thawhtanni) khan NITI Aayog Vice Chairman Dr. Rajiv Kumar leh Adviser Jitendra Kumar te chuan Mizoram Governor Lt. Gen. Nirbhay Sharma chu a pisaah an hmu a, Mizoram hmasawnna tur an sawiho. Hawng Chief Minister Lal Thanhawla chuan ni 7.11.2017 (Thawhlehni) khan AOC Veng Serchhip-ah District Education Complex a hawng. Meeting MZP hruaitu thlan thar te chuan an Executive meeting hmasa ber chu an President thar L. Ramdinliana Renthlei kaihruaina in ni 7.11.2017 (Thawhlehni) khan MZP Conference Hall-ah an nei.