Kawngzawh Thawhtanni kalta khan MZP headquarters, Champhai huaihawtin Champhai damdawi-ina doctor dah belh phutin kawngzawh a ni. Inkawm Ni 1.10.2018 (Thawhtanni) khan Zoram Peoples' Movement hruaitute leh PRISM party hruaitute chu Aijal Club-ah an inkawm a, MLA inthlan lo awm tura thawhho dan tur an sawiho. ZPM hi K Sapdanga chuan hovin PRISM hi an President Vanlalruata chuan a ho a ni. Campaign Thawhtanni khan MNF Treasurer Vanlalzawma chuan Darlawn Bazarah Tuivawl biala MNF campaign kick-off hun a hmang a; Tuivawl constituency-a MNF candidate tur chu Lalchhandama Ralte, MLA hlui a nih thu a puang. Hnam Run-ah MPC party MLA neihchhun Lalthanliana, Aizawl North-II bialtu chuan Thawhtanni khan Mizo Hnam Run inkhawmah thu sawiin, kumina Assembly inthlanah MNF an chak ngei a rin thu a sawi. Hawng Thawhtanni khan NLUP hnuaia hmalakna thar, 'Rain Garden & Mei Sipai Scheme' leh 'Chief Minister's Special Package (Medical Care)' chu Chief Minister Lal Thanhawla'n Lal Thanhawla Auditorium-ah a hawng. Thisen pe October 1 (Thawhtanni) kha National Voluntary Blood Donation Day a ni a, Mizoram State AIDS Control Society (MSACS), Association for Voluntary Blood Donation leh blood bank-te huaihawtin Mizoram hmun hrang hrangah hman niin, thisen pek runpui buatsaihah thisen unit 368 pek a ni. Titawp Ministry of Home Affairs (MHA) chuan September 29, 2018-a lehkha a tihchhuah angin, Tripura relief camp-a awm Bru-te hnena chhawmdawlna pekte chu October ni 1,2018 (Thawhtanni) atang khan a titawp. Rivers day Save Chite Lui Coordination Committee (SCLCC) leh State NSS Office, Mizoram chuan October 1, Thawh?anni khan Assembly Annexe conference hall-ah 'World Rivers' Day' an hmang a, Assembly deputy speaker R Lalrinawma'n a hmanpui. Thupui chu 'Ka Chite lui, ka ram rohlu, ka humhalh ang’ tih a ni. Hawng Mizoram Youth Commission (MYC) chairman Joseph Lalhimpuia, MLA chuan Thawhtanni khan Mizoram chhim lam tana MYC hmunpui tur, ‘MYC Southern Mizoram Zone’ chu Lunglei Venglaia SSA pisa chung berah a hawng. Work day UPC (North East India) ?halai pawl, Pentecostal Youth Department (PYD) chuan October ni 2 (Thawhlehni) khan Social Work Day an hmang a, Mizoram hmun hrang hrang leh hmarchhak biala an dinnaahte vantlang tana thil ?ha tihna hun an hmang. Social Works Day hi Aizawlah chuan City PYD bultumin Aizawl Civil Hospital-ah hman niin, damdawiin leh a chhehvel an tifai. Ngen YMA, MUP, MHIP, MZP leh MSU telna NGO Coordination Committee chuan Thawhlehni khan Central YMA office-ah meeting an nei a, Bru raltlan te lolet huntiam a pelh tawh avangin let duh an awm pawhin remtih tawhloh nise an duh tih an sawi a. Political party te pawh Bru te kalchilha campaign lo turin an ngen. Tawngtai Thawhlehni kalta khan Zoram Peoples' Movement (ZPM) chuan an pisa, Treasury Square-ah 'Zoram politics-ah Pathian ram lo thleng rawh se’ tih thupui hmangin chaw ngheiin an tawngtai a, mi ?hahnem tak an tel. Faina hapta October ni 2,2018 (Thawhlehni) atang khan Aizawl leh district hrang hrangah Faina Hapta (Cleanliness Week) hman ?an a ni a, Aizawlah chuan Vanapa Hall-ah Finanve Minister Lalsawta'n a hawng. A hawnna hunah hian khawpui fai inelna result puan a ni a, Biate chu khaw fai berah thlan niin, district khawpui zingah Lunglei chu a fai ber thung. Tlan lo Mizoram Maxicab Owners Association (MMCOA) chuan sawrkar laka an lungawiloh entirnan Nilaini atang khan an nuar a, tumah tlan an awm lo. Hawng Hlimena rama Lalsavunga Park chu Nilaini kalta khan chief minister Lal Thanhawla'n a hawng. MLA bang Tuichang bialtu MLA Lalrinliana Sailo chuan Nilaini khan MLA atanga bànna, Assembly speaker Hiphei hnenah a thehlut. Workshop Press Information Bureau (PIB), Aizawl chuan Ningani kalta khan Aijal Club-ah Media Workshop an buatsaih a, Aizawl DC Dr A Muthamma khuallian niin, IPR Director David L Thangliana special guest a ni. Treasury thar October ni 4 (Ningani) khan Finance Secretary Lalnunmawia Chuaungo chuan Saitual, Hnahthial leh Khawzawla Treasury Office dahna tur notification a tichhuak.