Seminar Mahatma Gandhi-a piancham vawi 150-na lawmna pualin Thawhtanni khan Aizawl Raj Bhavan Durbar Hall-ah Seminar buatsaih a ni. Sawiho Thawhtanni khan Zoram Research Foundation buatsaihin tunhnaia Tuikuk te avanga buaina leh a nghawngte thlirletna hun ‘Consultation on Bru/Reang Issue’ chu Aijal Club-ah neih a ni. Hriattir Kolasib a tlawmngai pawl intelkhawm te chuan DC Dr. Arun T chu dan lova Bru te electoral roll ah a thun avang leh Mizo mipuite a bum nia an hriat avangin Thawhlehni tlai dar 5 hmaa Kolasib chhuahsan turin an ti. Endik Kumin 2018 MLA thlanna neihturah Mizoram Legislative Assembly seat 39 chuh tur te Nomination paper-te chu Thawhlehni khan endik a ni. Mizoram inthlan pui neih tur atana nomination paper thehluhte endik zawh fel ani a, nomination paper 212 in scrutiny an paltlang a ni. Mipui rawk MNF party hruaitute chuan Thawhlehni khan Aizawl Press Club-ah thuthar thehdarhtute kâwmin, Congress kaihhruai sorkara eirukna awm nia an hriatte an tarlang a; chief minister Lal Thanhawla te unau leh super minister Zodintluanga ten chhun en laiin Mizoram mipui an rawk niin an sawi. Pisa dang Kolasib NGO Coordination Committee in Thawhlehni tlai dar 5 hmaa DC Dr. Arun T chhuak tura an tihna chu DC hian a tih hlawhtlin loh avangin Nilaini khan DC/DEO Pisa kai tur an dang a, sawrkar pisa kal an awm lo bawk. Hawng Thawhlehni khan Tuirial bial chhunga National Prople’s Party Campaign Office chu Kawnpui-ah Manipur Deputy Chief Minister, Yumnam Joykumar Singh chuan a hawng. CCC meeting Central YMA CCC meeting chu Nilaini khan neih niin, President Vanlalruata chuan a kaihruai a, YMA rorel inkhawm thlirletna leh rorel inkhawm thurel bawhzui chungchangah YMA khawih leh sorkar khawih chungchanga hmalakna tur ruahmanna siam hrang hrang te sawiho a ni. Inkawm Thawhlehni khan Mizoram Pradesh Congress Committee Office-ah MZP hruaitute leh MPCC hruaitutean inkawm a, MZP hruaitute hian hmalak an tum dan an zawtfiah a ni. Inhnukdawk Assembly Inthlanpui chuh tura hming pe lutte inhnuhdawh theih ni hnuhnung ber Nilaini ah inhnukdawk mi 3 an awm a, heti hian candidate 209 an awm ta a ni. Press kawm MPCC Media Department chuan Nilaini khan Press mite an kawm a, an Chairman Lallianchhunga chuan, “ZPM candidate te hi Independent Candidate an ni a, thlantlin palh an nih chuan sawrkarna siam tum BJP tan lei an awlsam bik dawn a, an zuam em em a ni,” a ti. IITF Ni 14.11.2018 khan 38th IITF-2018 chu Pragati Maidan, New Delhi-ah ropui taka hawn a ni a, Mizoram pawhin stall 14 an hawng a ni. Naupang ni India ram pumpuiah kumdang ang bawkin Nilaini kalta khan Raj Bhavan-ah India Prime Minister hmasaber, Pandit Jawaharlal Nehru pia--ncham denchhenin 'Naupangte Ni' hman a ni. Zunthlum ni Nilaini kalta khan Aizawl Civil Hospital Conference Hall-ah zunthlum natna dona ni ‘World Diabetes Day’ hman a ni a, H&FW Principal Director Dr. F.Lallianhlira chu khuallian a ni. Thupui chu ‘The Family & Diabetes’ tih a ni. Sawipui Ningani khan Raj Bhawan-ah Governor Kummanam Rajasekharan chuan Archaeological Survey of India (ASI) hotute leh INTACH Mizoram Chapter hruaitute a kawm a. He hunah hian Governor chuan ASI leh INTACH hotute chu Vangchhia hmun a Heritage Site chungchang leh hmalakna kal mek te a sawipui a ni. CEO ruat Election Commission of India chuan Ningani kalta khan Mizoram Chief Electoral Officer (CEO) atan Higher and Technical Education changtu Secretary Ashish Kundra a ruat. Training zo Aizawl DC Office in a buatsaih Project HIMNA-MADAT hnuaia Training of Nodal Teachers chu Zirtawpni khan zawh a ni a. He training hi Thawhtanni atanga tan niin SSA Conference Hall, Chaltlang ah leh CYMA Hall, Tuikhuahtlangah neih a ni. Naupangte ruihhlo laka an filhlim theihnana zirtirna pek dan tur chu he training-ah hian sorkar Middle School zirtirtute zirtir an ni.