Conference ‘National Conference on Strategies for Development of Higher Education in Northeast India’ tih thupui hmangin ni 9.4.2018 (Thawhtanni) khan Mizoram University-ah seminar buatsaih a ni a, Mizoram Governor Lt. Gen. Nirbhay Sharma chu khuallian a ni. Hna zawm Aizawl SP atana ruat thar C.Lalzahngoa chuan ni 9.4.2018 (Thawhtanni) khan a hna thar a zawm. SP kalchhuak Neihchungnunga chu DIG (Southern Range) ah dah a ni. Sem Chief Minister Lal Thanhawla chuan ni 9.4.2018 (Thawhtanni) khan Serchhip DC Conference Hall-ah NEDP hnuaia khua leh tui harsa zawk ten chenna In tha zawk an lo neih theih nan a hmalakna, Chief Minister's Rural Housing Scheme tlangzarhin beneficiary 200 hnenah tanpuina a sem. Lo zin Union Minister of Steel Chaudhary Birendar Singh chuan Thawhtanni kalta khan zan khat riak turin Aizawl a lo thleng a, Aijal Club ah official te meeting a neihpui nghal. Meeting Ni 9.4.2018 (Thawhtanni) khan Aizawl district chhunga ramtuileilo leh piangphunga rualbanlo, Persons with disabilities (PwDs) ten electoral roll leh inthlan kaihhnawiha nasa zawka an inhnamhnawih theih dan tur ngaihtuahin Aizawl DC Conference Hall-ah District Level Consultation meeting neih a ni. Lungawilo Ni 9.4.2018 (Thawhtanni) khan MNF Legal Board chuan Chakma Autonomous District Council inthlan lo awm tur an candidate pakhat disqualified a nih chungchangah an lungawilohna, State Election Commission-ah an thehlut. Annual meeting Thawhtanni khan Aijal Club ah North East Zone Cultural Centre Annual Meeting of the Programme commitee, 2018-19 neih a ni a, he hunah hian Nagaland Governor P.B.Acharya, NEZCC Chairman ni bawk chuan a hmanpui a, Mizoram Governor Lt.Gen (Retd) Nirbhay Sharma, Art & Culture Minister R.Romawia te bakah Assam, Mizoram, Arunachal Pradesh, Manipur, Tripura, Nagaland, Sikkim, Meghalaya atangin an tel bawk. Ribbon dum PWD hnathawktute chuan ni 10.4.2018 (Thawhlehni) khan Lunglei Thalai Pawl te chet dan duhlovin ribbon dum an bel. Puang PRISM chuan Thawhtan zan khan 2018 Mizoram MLA General Election atan an candidate tur a thawh khat nan mi10 an puang. Tlangzarh India ram Danpui duangtu leh ram hruaitu hmasa Dr BR Ambedkar chanchin, Laltanpuia Hnamte buatsaih chu Thawhlehni khan Aizawl Press Club Conference Hall-ah MJA vice president Zonunsanga Khiangte in a tlangzarh. Larsap ngen MNF Party chuan Mizoram sawrkarin Chakma Autonomous District Council hnena sum a pek nuai 612 chu a bo nia sawiin chhuichiang tura ngenna ni 11.4.2018 (Nilaini) khan Larsap hnenah an thehlut. CCC thukhawm YMA rorelna sang ber dawttu Central Co-Ordination Committee vawi 86-an chu ni 11.4.2018 (Nilaini) khan Central YMA Hall, Tuikhuahtlang-ah an President Vanlalruata hovin an thukhawm. Lung phum Ni 12.4.2018 (Ningani) zing dar 7:30 khan AMC Mayor PC Lalhmingthanga chuan Tuikual South ah multi level car parking cum market sakna tur lung a phum. Road show Ni 12.4.2018 (Ningani) khan Hotel Regency-ah Indian Chamber of Commerce bultumin ‘Business Summit leh Roadshow – Mizoram Calling’ tih buatsaih a ni a. Mizoram sawrkar leh Maharashtra Tourism Development Corporation Ltd. te chuan thawhhona thuthlung an ziak. Endik Bairabi Zophai a Assam leh Mizoram ramri chungchang enfiahtu, Joint verification team te chuan ni 12.4.2018 (Ningani) khan Assam leh Mizoram ramri a hmunah kalin an endik. Khawmpui Mizoram Government Doctors' Association (MGDA) chuan ni 12.4.2018 (Ningani) khan an Annual General Conference vawi 35-na chu Aijal Club-ah an hmang a; Chief Minister Lal Thanhawla khuallian a ni.