MCHTA titawp Mizoram CSS Hindi Teachers Association (MCHTA) chuan an hlawh pek leh dah ngheh phuta lungawi lohna an lantir chu Mizoram Kohhran Hruaitu Committee ten MCHTA te ngenna anga a tul anga hmalak an tum avangin an titawp lailawk. Chite lui sawiho Zoram Research Foundation (ZoRF) hotute chuan Ningani khan Raj Bhavan ah Governor Lt. Gen. Nirbhay Sharma an kawm a, Chite lui humhalh dan tur an sawi pui. Ukil ding lo Bar Council of India ruahman angin Advocate Ammendment Bill, 2017 duh loh lantirna atan Zirtawpni khan ukil te Court ah an ding lo a, Mizoram Bar Association pawhin an thlawp. MKHC in dem Mizoram Kohhran Hruaitute Committee (MKHC) chuan thuchhuah siamin, Assembly session neihah zu chungchanga private resolution sawihonaa ram hruaitu \henkhatten Pathian thu, Kohhran leh rawngbawltute ngainep zawnga thu an sawi chu pawi an tih thu an tarlang. Tobacco Free Serchhip District Anti-Tobacco Squad te chuan an district a Tobacco Free Village atana thlan Khawlailung khuaa Tobacco Free Village Committee te hmalakna hrang hrang an enfiah. Fuihpawrh lo MNF \halaite chuan thuchhuah siamin March 28, 2017 zana CSS Hindi zirtirtute'n CM Bangla an luhchilh chungchanga Assembly House a Chief Minister Lal Thanhawla thu sawi dan chu mak an tih thu tarlangin CSS Hindi zirtirtute chu MNF ten an fuihpawrh loh thu leh party dang kal ve te sawi rik an ni lo chu hriatthiam har an tih thu an sawi. Hrem Hmeichhe naupang pawngsualtu Lalchuangliana New Siaha thubuaia thutlukna chu Thawhlehni khan Siaha Fast Tract Court judge Dr. HTC Lalrinchhana'n tichhuakin POCSO Act hmangin kum 20 chhung tang tur leh pawisa Rs 3000 chawi turin a hrem a. Hemi ni hian Siaha Fast Tract Court ah vek hian hmeichhe naupang khuaikhemtu Thethe-a chu thiamloh chantirin kum 4 chhung tang tur leh pawisa Rs 2000 chawi turin a hrem bawk. Zirho Nilaini khan Mizoram People Forum leh Govt. Aizawl College a zirlai leh zirtirtu good governance leh political education hmangin seminar an buatsaih. He seminar ah hian good governance principle 8 hmangin inthlanna thianghlim neih theih nana tan lak a ngaih thu te, sorkar inrelbawlna tha neih a tul zia te MPF Gen Secy Rev. Dr. R Lalbiakmawia'n a sawi. Centre hawng Lungleia J. Buana College leh National Institute of Electronic & Information Technology tangkawpin J. Buana College a Computer Study Centre an din chu nilaini khan D.C. Lalzarmawiin a hawng. CSC ah hian CCC course zir a ni a, tunah hian zirlai 90 awmin, a thlawn vekin zirtirna pek an ni. Prism Sawmna PRISM chuan Mizorama rorelna dik leh sorkar tha a awm theihna tura mipuite thawhhopuia sawmna "Sawmna Beihpui" tia an vuah thawhkhatna chu nilaini khan Treasury Square ah an hawng a. Hawnna inkhawm neih zawhah hian Treasury Square, Khatla leh Sikulpui kawnah te thuziak semin a tukah an chhunzawm leh bawk. ITI zirlai nuar Aizawla Industrial Training Institute zirlaite chuan ITI Trainees Union huaihawtin nilaini atang khan an zirlai an chawlhsan rih a. An chawlh chhan hi an mamawh hrang hrangte tihhlawhtlin anih loh vang leh an chanvo tur an chan loh vanga zir chhunzawm zelna tlaka an ngaih loh vang nia thudawn a ni. ITI Trainees Union te chuan bus service awmlo, Boys hostel luah theih loh, class room indaihlohna, instructor indaihlohna leh harsatna hrang hrang avangtein he lungawilohna hi lan tir a nih thu thuchhuah siamin an tarlang. Kawltu hrem Excise & Narcotics department in May 17, 2015 a khehpuam (pseudoephedrine) mum 2,30,000 kawl avanga an man Lal\huama, Tuikual C Muala cheng chu Special Court (ND&PS) judge in case a ennawn leh hnuah May 24, 2017 khan thutlukna siamin kum 4 tang tur leh Rs 25,000 chawi turin a hrem. %%%%%%