Hun sawn Ni 16.4.2018 (Thawhtanni) atanga naupang thla 9 atanga kum 15 hnuai lam te tan Mizoram puma Measle - Rubella Vaccine pek runpui neih tan tur a tih chu rokhawlhna avangin sawn a ni. Tlangzarh Health Minister Pu Lal Thanzara chuan ni 16.4.2018 (Thawhtanni) khan ‘Road Connectivity & Development in Rural Mizoram’ tih lehkhabu Lianhmingthanga ziak chu a office-ah tlangzarh. Thlen Eptu party BJP, PRISM leh ZPM te chuan Mizoram sawrkarin NLUP a kalpui dan chu a dik lo nia hriaiin an duh loh thu ni 16.4.2018 (Thawhtanni) khan Mizoram Governor hnenah an thlen. Inhlan Ni 16.4.2018 (Thawhtanni) chhun dar 12:00 khan Aizawl Press Club-ah MJA hruaitu hlui te chuan kum 2018-2020 hruaitu tharte hnenah mawhphurhna (charge) an inhlan. Hnatlang Ni 16.4.2018 (Thawhtanni) khan peace Accord MNF Returnees Association (PAMRA) chuan Remna Run an lawi hriat rengna Memorial Stone siam turin hnatlang an tan. Hawng Ni 17.4.2018 (Thawhlehni) khan Planning Minister Lalsawta chuan Assembly Annexe Conference Hall-ah Mizoram Youth Commission buatsaih, MYC Youth Summit & Road Show vawi khatna a hawng. Kawngzawh Darlawn District Demand Committee hmalaknain ni 17.4.2018 (Thawhlehni) khan District demand kawngzawh Darlawnah neih a ni a, kawng zawh kalkhawm te hian resolution sawrkarah thehlut nghalin, sawrkar aiawhin Darlawn BDO-in a dawng. Assembly Ni 17.4.2018 (Thawhlehni) khan Ex-MNA Association chuan Agriculture Conference Hall-ah Special Assembly an nei a, Tawnluia, Ex-Army Chief chu khuallian a ni. Campaign tan Ramchhung hmun dangte ang bawkin Mizoramah pawh state pum huapin ‘Measles-Rubella Vaccination Campaign’ chu ni 18.4.2018 (Nilaini) khan tan a ni a, Health Minister Lal Thanzara’n he Campaign hi Govt Mizo High School Auditorium-ah a hawng. Chite sawiho Ni 18.4.2018 (Nilaini) khan SIPMIU Program Director Er. Valbuanga kaihhruaiin Aijal Club-ah Chite Lui chhanchhuah leh humhalhna tura hmalak zel dan tur Comprehensive Action Plan Phase-II ruangam sawihona neih a ni. Khar Labour Employment Minister H.Rohluna chuan ni 18.4.2018 (Nilaini) khan Assembly Annex Building-ah Mizoram Youth Commission buatsaih Youth Summit leh Roadshow, Aizawl khawpuia neih chu a khar. Bankers meet State Level Bankers' Committee (SLBC) meeting chu ni 18.4.2018 (Nilaini) khan Secretariat Conference Hall-ah neih a ni a, Lalnunmawia Chuaungo, IAS, Principal Secretary, (Finance) chuan he meeting hi kaihruai a ni. Library Ni 18.4.2018 (Nilaini) khan Archive Hall Babutlang-ah State Central Library, Art & Culture leh RRRLF, Kolkata buatsaihin Aizawl City Library Awareness Campaign neih a ni a, R. Hmingthanzuala, Director, Art & Culture Dept. chu khuallian a ni. Club tlawh Germany Consulate General Dr Michael Feiner chuan ni 19.4.2018 (Ningani) khan Aizawl Press Club tlawhin Mizoram Journalists' Association member-te nen an inkawm. Inkhawmpui Chief Minister Lal Thanhawla chuan ni 19.4.2018 (Ningani) khan New Serchhip YMA Hall-ah Serchhip Mizoram Hmeichhe Insuihkhawm Pawl (MHIP) Sub-Headquarters Conference vawi 9-na chu khuallian niin a hmanpui. DC thar Ni 19.4.2018 (Ningani) khan sawrkar chuan order chhuahin Kolasib DC R.Zarzosanga chu Director, Higher & Technical Education atan dah a ni a, special secretary hna chelh mek Dr. Arun T chu Kolasib DC atan a dah thar. Ramri enfiah Mizoram leh Assam atanga palaite chuan tun kar khan ramri an enfiahho a, hmun thenkhatah an inlungrual theih loh avangin tihtawp lailawk a ni a. Mizoram lam pawh Home Secretary hovin an thukhawm leh nia thudawn a ni. &&&&