Hawng Union Human Resource Development (HRD) minister Prakash Javadhekar chuan ni 17.4.2017 (Thawhtanni) khan Rashtriya Uchhatar Shiksha Abhiyan (RUSA) hnuaia state leh union territory hrang hranga hna thawh zawh tawh 15 leh RUSA Portal leh Fund Tracker Mobile Application-te video conferencing hmangin India Habitat Centre, New Delhi a?angin a hawng a. A project hawn tak zingah hian Institute of Advanced Study in Education (IASE), Republic Venga master of education class room tur building sak thar a tel. Pawm Chief secretary Lalmalsawma hoin ni 17.4.2017 (Thawhtanni) khan Secretariat Conference Hall-ah State Level Screening Committee (SLSC) an ?hukhawm a; Border Area Development Programme (BADP) Annual Action Plan, kum 2017-18 chhunga Rural Development (RD) block 16 tan sum ruahman an pawm. MPC dincham Ni 17.4.2017 (Thawhtanni) kha MPC party din champha vawi 42-na a ni a; office bearer-te chuan an party hruaitu KL Lianchia kaihhruaiin kum 2018-a Assembly inthlan hmachhawn dan tur leh ?an lak dan turte an sawiho. MJA Conference Ni 18.4.2017 (Thawhlehni) khan Mizoram Journalists' Association (MJA) chuan I&PR Auditorium-ah General Conference vawi 44-na an hmang a, he hun hmanpuitu Chief Minister Lal Thanhawla chuan chanchinbumite chu intuiahriama, inzirthar zel turin a chah. Larsap kawm Thawhlehni kalta (18.4.2017) tlai khan Mizoram Governor Lt Gen Nirbhay Sharma chuan Mizoram Kohhran Hruaitute Committee-te chu a chenna Raj Bhawan-ah leng tura sawmin kohhran anga khawtlang nun siamthatna kawnga an hmalaknate an sawiho. Vishal sawiho Ni 18.4.2017 (Thawhlehni) khan Home Minister R.Lalzirliana hovin a pisaah Central YMA hruaitute leh sawrkar mi pawimawhte an thukhawm a. Central YMA in Vishal Mart an zirchianna atanga an thil hmuhchhuah te Home Minister hnenah an thlen. Sawipui Health Minister Lal Thanzara chuan ni 18.4.2017 (Thawhlehni) khan a pisa-ah Tata Trust aiawhte kawmin Mizorama cancer veite enkawl kawnga an thawhho theih dan tur a sawipui. Tlawh Mizoram Journalists' Association member te chuan ni 19.4.2017 (Nilaini) khan Mizoram Larsap chenna Raj Bhawan leh Assembly House te an tlawh a, Larsap nen an inkawm bawk. HPC thukhawm Ni 19.4.2017 (Nilaini) khan Chief Minister Lal Thanhawla hovin Lunglei High Power Committee an thukhawm a, HPC hmasawnna hnathawh te thlirletin kum 2017-18 chhunga hnathawh tur ruahman chin leh Action Plan te an sawiho a, ruahmanna chhawpchhuah te hi an pawm vek a ni. ILP pawimawh Ni 19.4.2017 (Nilaini) khan MIMA chuan Synod Conference Centre-ah khawmpui an hmang a, khawmpui a khuallian Finance Minister Lalsawta chuan Goods and Service Tax kalpui turah ILP nei loten Mizorama sumdawnna an kalpui theih loh nan ruahmanna siam a ni dawn tih a sawi. CM & AR hotu Ni 19.4.2017 (Nilaini) khan Chief Minister Lal Thanhawla chu Assam Rifles hotulu ber Director General Lt. Gen. Shokin Chauhan te chu CM Bunglow ah an inkawm a, ram venhimna leh ramri chungchang an sawidun. Hal man Mizoram Police te chuan Nilaini (19.4.2017) khan Lawngtlai district huam chhung Vaseitlang-II-ah Bru hel pawl Bru Democratic Front of Mizoram (BDFM) mi 3 an man.