Easter Ni 1.4.2018 (Pathianni) kha Isua Krista thihna hneha a thawhlehna ni ‘Easter Sunday’ a ni a, Mizoram kohhran hrang hrangten hlim takin an lawm. Lungawilo NIT Mizoram zirlai thenkhatte chuan an zirlaipui thihna chungthu-ah an lungawi lohna lantirin ni 1.4.2018 (Pathianni) khan Raj Bhavan kawtah Governor hmuh tumin an kalkhawm. FM prog. Ni 1.4.2018 (Pathianni) atang khan All India Radio Aizawl FM Zoawi chuan programme a tihchhuah belh a, zing dar 7-ah programme thar hi tihchhuah tan a ni thin ang. FM programme thar hi AIR Aizawl Head of Office DR Lalropuia chuan FM Station Tuikhuahtlang-ah a hawng. Inremna ziak Mizoram sorkar leh Hmar People Convention (Democratic) HPC (D) te chuan ni 2.4.2018 (Thawhtanni) khan State Guest House-ah inremna thuthlung ‘Memorandum of Settlement' an ziak. Session zo Ni 14 chhung awh Mizoram Legislative Assemly Budget Session chu ni 2.4.2018 (Thawhtanni) khan zawhfel a ni. Puang Ni 2.4.2018 (Thawhtanni) khan Congress Bhavan ah MPCC President Lal Thanhawla chuan Chakma Autonomous District Council inthlan lo awm tura Indian National Congress candidate tur mi 20 a puang. Tlangzarh Mizoram Kailawn 2018 tlangzarhna leh Mizoram Rahbi - Micro Start Up Competition 2-a lawmman dawngtute chawimawina hun ni 3.4.2018 (Nilaini) khan Aijal Club-ah a neih a ni a, Planning minister Lalsawta'n a hmanpui. Lungphum Aizawl leh Sakawrhmuituai inkara khualzin hîpna atana Eco-Adventure Circuit (Skywalk) siamna tur lungphùm chu ni 3.4.2018 (Nilaini) khan Sakawrhmuituai tlangah Tourism minister John Rotluangliana'n a phúm. Award sem Mizoram Bharat Scouts & Guides chuan ni 3.4.2018 (Nilaini) khan Raj Bhavan multipurpose hall-ah Rajya Puraskar Award an sem a; an patron Lt.Gen. Nirbhay Sharma, Governor-in a hmanpui. Rajya Puraskar Award hi scout 52 leh guide 58 hnenah hlan a ni. Tun dinhmunah Mizoramah scout 600 leh guide 922-te'n Rajya Puraskar Award an dawng tawh. Khawmpui Mizoram Journalists’ Association chuan ni 4.4.2018 (Nilaini) khan Lal Thanhawla Auditorium-ah khawmpui vawi 45-na an hmang a, Finance Minister Lalsawta chuan khawmpui hi a hmanpui. Hawng Mizoram State Sport Council hmalakna a siam Sport Centre Phulpui khuaa mi chu ni 4.4.2018 (Nilaini) khan Agriculture Minister K.S.Thanga chuan a hawng. Candidate Ni 4.4.2018 (Nilaini) khan R.Tlanghmingthanga MNF Vice President chuan Chawngte Mizo Hnam Run-ah, April ni 20-a Chakma Autonomous District Council inthlan tura MNF candidate te a puang. Khawmpui Former Legislature Association of Mizoram (FLAM) chuan ni 5.4.2018 (Ningani) khan Aijal club conference hall-ah General Body meeting neiin ram leh hnam a him leh zual theih nan nasa leh zuala hmalak an rel. Thukhawm Ni 5.4.2018 (Ningani) khan Chief Minister office-ah Chief Minister Lal Thanhawla hoin Finance Minister Lalsawta leh State Planning Board Vice Chairman H. Liansailova te chu sawhthing hralh chungchang ngaihtuahin an thukhawm. Zirho Mizoram Science Technology and Innovation Council (MISTIC) hnuaia State Climate Change Cell buatsaihin ni 5.4.2018 (Ningani) khan Secretariat Conference Hall, Mizoram Secretariat Complex-ah sik leh sa inthlak dan zirho na hun hman a ni. Enfiah Mizo National Youth Front (MNYF) hruaitute chuan Vice President Lalremruata Chhangte hovin ni 5.4.2018 (Ningani) khan Falkawna State Referral Hospital tlawhin damdawi in a solar power plant hun rei tak hman theih loha awm chu siam that a nih leh nih loh an enfiah.