Tawngtai rual Mizorama kohhran hrang hrangte chu ni 13.8.2017 (Pathianni) zan khan ruihhlo ngaite pualin an tawngtai rualna hun an hmang. SA in tanpui Salvation Army kohhran te chuan ni 13.8.2017 (Pathianni) khan Khawngaihtu pawl, League of Mercy Sunday an hmang a, tanpui ngaite tanpuiin hmun hrang hrang ah an kalchhuak a ni. MZI in sem Mizo Zaimi inzawmkhawm (MZI) Gen. Hqrs. buatsaih, Mizoram chhûnga tui lian leh leimin tuarte tanpuina tura Charity Event hrang hrang neih zawh taka an sum hmuhchhuahte chu ni 14.8.2017 (Thawhtanni) khan Aizawl Press Club-ah semna inkhawm an nei a, Sports Minister Zodintluanga chuan hmanpuiin Charity sum hi a sem nghal. Khawzawl bandh Khawzawl chuan ni 14.8.2017 (Thawhtanni) khan Mizoram sawrkarin District atana a puan tih hlawhtlin nawrnan total bandh an nei. Sawifiah Excise & Narcotics Department hotute chuan ni 14.8.2017 (Thawhtanni) khan chanchinbumite an kawm a, ruihhlo an man tawh, an kuta awm tawhte tihchingpen a awm ngai lo tih an sawi. Tlangzarh Mizoram Election department hotute chuan ni 14.8.2017 (Thawhtanni) khan Aizawl Press Club-ah thuthar thehdarhtute an kâwm a; internet hmang electoral roll enkawlna tur ERONet chu tlangzarh a nih thu an sawi. I day lawm August ni 15,2017 (Thawhlehni) kha India in zalenna a hmuh champha vawi 71-na a ni a, India ram pumah ropui taka lawm a ni a, Mizoram ah pawh lawm a niin a lawmna pui ber Lammual a neih ah Chief Minister Lal Thanhawla'n hnam puanzar a pawtparh a ni. Hawng Mizoram Governor Lt. Gen. Nirbhay Sharma leh Chief Minister Lal Thanhawla te chuan ni 15.8.2017 (Thawhlehni) khan Rs vbc 30 senna Raj Bhavan-a Multipurpose Hall sak zawh tak chu an hawng. Champion Great Sports Independence Day Celebration Football Tournament final ni 15.8.2017 (Thawhlehni)a khelh ah Chhinga Veng FC chuan Chanmari chu 2-1 a hnehin an champion. Champion Chhinga Veng FC hian Rs 1,00,000/- trophy an dawn bakah Fair Play lawmman Rs 10,000/- an dawng a, pahnihna Chanmari FC Rs 50,000/- an dawng thung. Chhhiarpui neih rel Thawhlehni kalta zan khan Central YMA Executive meeting chu Central YMA Committee Room-ah neih ani a, Chakma population registration chungchang an sawiho. Bandh Ni 15.8.2017 (Thawhlehni) khan Saitual District Implementing Demand Committee (SDIDC) chuan district a taka hnathawh tir phutnan total bandh an huaihawt a, Total Bandh hi zing dar 5 atanga tlai dar 5 thleng tur ni mahse, mipuiin an thlawp that avangin chawhma dar 11:40 ah tihtawp (call off) a ni. Thawhho rel Ni 15.8.2017 (Thawhlehni) a Mizoram People's Conference, Zoram Nationalist Party leh Zoram Exodus Movement te thukhawm chuan nakum Mizoram MLA inthlanpui a thawhho an rel. ZNP in thlen Ni 16.8.2017 (Nilaini) khan ZNP President Lalduhoma chuan Lok Sabha-in Citizenship (Amendment) Bill, 2016 zir chiang tura a ruat Joint Parliamentary Committee Chairman hnenah Bill hnukkir tura ngenna a thlen. Press kawm Ni 17.8.2017 (Ningani) khan MNF Vice President R.Tlanghmingthanga chuan Aizawl Press Club ah Press mite a kawm a, NIAS Kolkata leh Welfare Board chhuitir danah Congress sawrkar hian thudik pehhel a tum a, LE&IT Minister atanga bang Lalrinmawia Ralte leh MYC chairman bangta T.Sangkunga te chu NIAS chungchangah an inrawlh ngei ni a an hriat thu a sawi. Tlangzarh NEDP-Entrepreneurship Development Scheme hnuaia 'Mizoram's First Micro Start Up Competition' Winners Felicitation Program' chu ni 17.8.2017 (Ningani) zan dar 8 khan Chief Minister Lal Thanhawla chuan a hawng.