Halpuah khap Kumin Krismas leh kum thar vuakvêta hâlpuah leh hâlmawi chi hrang hrang khap chungchangah ni 4.12.2017 (Thawhtanni) khan Home minister R Lalzirliana hoin a pisaah sorkar hotute leh Central YMA hruaitute an thukhawm a kum dang zawng aia khauh zawka khap nise an ti. Rualbanlo ni Ni 4.12.2017 (Thawhtanni) khan Mizoram hmun hrang hrangah International Day for Persons with Disabilities puala hun hman a ni a; Aizawlah chuan Zarkawt Recreation Centre-ah School Education minister H.Rohluna hoin hman a ni. VC khawmpui Village Council Conference cum Panchayati Sammelan, ni hnih awh tur chu ni 4.12.2017 (Thawhtanni) khan Aizawl district tan Synod Conference Centre-ah tan a ni a, Rural Development minister R. Lalzirliana leh Local Administration minister PC Lalthanliana ten an hmanpui. Pawtsei Sinlung Hills Development Council Chairman leh member dangte interim period chu thla ruk pawh sei sak an ni a, hei hian December ni 1, 2017 atanga May ni 31, 2018 thleng a huam dawn a ni. Saras fair Rural Development Department buatsaihin ni 5.12.2017 (Thawhlehni) khan Sale of Articles of Rural Artisans Society (SARAS) Fair chu Assembly Annexe Conference Hall-ah Rural Development Minister R.Lalzirliana’n a hawng. Khawmpui AH&Vety Ministe C. Ngunlianchunga chuan ni 5.12.2017 (Thawhlehni) khan Mizo Academy of Letters (MAL) Annual Meeting, Govt. Hrangbana College Conference Hall a neih chu a hmanpui. Thlirho Thawhlehni (5.12.2017) khan Chief Secretary’s Conference Hall-ah United Nations hnuai a pawl pali United Nations Development Programme, Food & Agriculture Organisation, United Nations Industrial Development Organisation leh International Labour Organisation ten Mizoram Sawrkar nen tang tlanga a kum thum chhunga an hmalakna “United Nations Joint Initiative Project with the Government of Mizoram” thlirho a ni. Nuar Federation of Mizoram Govt Employees & Workers (FMGE&W) te chuan an lo tum lawk tawh angin, 7th Revision of Pay anga hlawh lak phut nan ni 6.12.2017 (Nilaini) atang khan ni thum chhung chawlh mass casual leave an la. Synod khawmpui Synod Inkhawmpui vawi 94-na rorel chu ni 6.12.2017 (Nilaini) khan Bungkawn Kohhran Biak In ah tan a ni. Zaipawl Central YMA buatsaih Inter Branch YMA zaipawl intihsiakna top 5 ah Vaivakawn, Dawrpui Vewngthar, Ramhlun South, Chanmari leh Chanmari West te thlan an ni. 7th pay zolo MZP chuan ni 6.12.2017 (Nilaini) khan thuchhuah siamin Mizoram sorkar hnathawk ten 7th Pay anga hlawh lak an beisei chu Mizoram in a la zo lo deuh nia an hriat thu an sawi. Inhmukhawm Ni 6.12.2017 (Nilaini) khan Industry tenau dintute leh eisiam lama eizawng tute tana inhmuhkhawmna Hotel Regency-ah neih a ni. Hawng Ni 6.12.2017 (Nilaini) zan dar 8 khan Ignite Studio, Khatla ah Mizoram Rahbi 2nd Micro Start Up Capital Competition 2017 chu Planning & Programme Implementation Minister Lalsawta'n a hawng. Chawimawi Ni 7.12.2017 (Ningani) khan IGP Zorammawia IPS, chuan Police Headquarters, Khatla ah Biaksanglura chu a huaisenna avang leh tualthattu a man avangin chawimawina a hlan a, he chawimawina hian thuziak (citation) leh pawisa fai Rs.5000 a keng tel a ni. Panchayati Raj ZPM a sawrkar chuan a tak taka mipui sorkar anih theih nan Panchayati Raj siam ani dawn tih ZPM Val Upa Council Chairman Lalfakzuala chuan ni 7.12.2017 a Press mite a kawmna ah a sawi. Nawrh titawp Mizoram sawrkar hnathawk te chuan 7th pay hman ve phuta ni 2 a huhoa chawlh an lak hnuah titawpin ni 8.12.2017 (Zirtawpni) atangin dan pangngaiin pisa an kai leh.