Hmalak tum Ni 11.12.2017 (Thawhtanni) khan SP Aizawl Conference Hall-ah Superintendent of Police, Aizawl leh a hote chuan kumin (2017) Krismas leh Kumthar hman turah mi tinin him tak leh ralmuang tak a an hman theih na turin hmalak dan tur an rel. Thi Central YMA leh Central KTP hruaitu hlui Lalchungnunga (66) h/o Lianzami, Ramhlun North chu ni 11.12.2017 (Thawhtanni) zan dar 9:30 khan kal tha lo vangin a boral. Lalchungnunga hi Central YMA President hlui anih bakah Central KTP ah pawh Asst. Secretary leh Finance Secy. lo ni tawh a ni. Report pe Ni 11.12.2017 (Thawhtanni) khan tunhnaia Mizoram sawrkar tirah Uttarakhand, Rajasthan, Gujarat leh Himachal Pradesh tlawhtu MJA Member ten Aizawl Press Club-ah an zin report an pe. Hawng Traffic Police leh Transport department tangkawp ten ngaih hnathiamna awmlo a lirthei endik na hun No Tolerance Drive chu ni 11.12.2017 (Thawhtanni) khan Aizawl Dawrpui ah Mizoram Police DIG Joseph Lalchuana'n a hawng. Zaipawl Inter Branch YMA Zaipawl Intihsiak 2017 chu ni 11.12.2017 (Thawhtanni) zan khan final a ni a, Ramhlun South Branch YMA Zaipawl chu thiam bera thlan an ni. Fai nih lawm Ni 12.12.2017 (Thawhlehni) khan Lungdai YMA Hall-ah Lungdai khaw mipuite chuan Village Council huaihawtin an khawchhung a mi kum 14 atanga kum 24 inkar thlalai zinga ruihtheih thil chi hrang hrang leh zuk leh hmuam laka fihlim mi 75 chawimawina leh Kolasib District chhunga khaw fai ber nih lawmman dawn lawmna hun an hmang a, Chief Minister Lal Thanhawla te nupain an hmanpui. Jail ah Ni 12.12.2017 (Thawhlehni) khan Central Jail-ah AIKO te hmalakna in Advance Christmas hman a ni a, Health Minister Lal Thanzara’n a hmanpui. Sawipui UD&PA Minister Zodintluanga chuan ni 12.12.2017 (Thawhlehni) khan Aizawl Municipal Corporation Mayor leh Municipal Commissioner te chu tunlaia Aizawl khawpuia bawlhhlawh paih dan phung thar kal chhohpui mek chungchang a sawipui. Thawhho tum MNF leh Zoram Decentralisation Front te chuan ni 12.12.2017 (Thawhlehni) khan Mizo Hnam Runah thawhhona thuthlung an ziak. MYC chairman Mizoram sawrkar chuan Mizoram Youth Commission Chairman atan Joseph Lalhimpuia a ruat thar. Hawng Ni hnih awh tur ‘Mizoram Youth Summit 2017’ chu ni 13.12.2017 (Nilaini) khan Pachhunga University College Seminar Hall-ah neih tan a ni a, Summit hi Finance Minister Lalsawta chuan a hawng. Sawm Mizoram BJP State President Prof. JV Hluna chuan ni 13.12.2017 (Nilaini) khan an party office ah Press mite a kawm a, Prime Minister Narendra Modi an Mizoram rawn tlawh hunah Zoram mipuite a tam thei ang ber tel turin a sawm. Ngen Ni 14.12.2017 (Ningani) khan tlawmngai pawl hrang hrang CYMA, MHIP, MUP, MZP, MSU, NGO Co-Ordination Committee chu Central YMA OB room a thukhawm chuan Prime Minister in Inrinni (16.12.2017) a Mizoram rawn tlawh a tum chungchang an sawiho a, Mizo mipuite kal lo turin an ngen. Hruaitu Ni 14.12.2017 (Ningani) khan kum 2017-2020 chhunga ZNP General Headquarters hruaitu tur ZNP Office-ah thlan a ni a, President-ah Lalduhoma chu chuhtu awm lovin thlan nawn leh a ni. Vice President a tan mi pathum, C.Laitanga, Dr. Kenneth Chawnglian leh Prof. Thangchungnunga chu chuhtu awm lovin thlan tlin an nih bakah Treasurer a tan Julie Lallianzuali chu chuhtu awm lova thlantlin an ni bawk. Thlirho Ni 14.12.2017 (Ningani) khan UD&PA Minister office chamber-ah Department hrang hrang UD&PA, PWD, P&E, PHE, Traffic Police leh AMC lam hotute nen Aizawl khawpui chhunga pengthuam hrang hrangte chu siam that leh tihzauh theih a nih theih dan tur an thlirho.