Summit buatsaih Indian Chamber of Commerce (ICC) leh Export Import (EXIM) Bank of India-te chuan Thawhtanni khan Aijal Club-ah ICC-EXIM Summit ni khat awh an buatsaih. Myanmar refugee Myanmar sipai leh Arakan state chhunga hel pawlte inbeih vangin Arakan-a Zo hnahthlak raltlan zinga mi 1,240 vel chu Mizoramah an rawn lut. Sports Stadium Ministry of Urban Development atanga cheng nuai 2238.69 hmuh hmanga sak Champhai Zotlanga Sports Stadium sak thar chu Thawhtanni khan chief minister Lal Thanhawla'n a hawng. President lo zin President Ram Nath Kovind chuan Nilaini chawhnuah khan zan khat riak turin Aizawl a rawn thleng a, zan khat riakin a tukah a haw leh nghal. Road Safety Week Zoram Driver’s Union (ZDU) chuan Thawhlehni atang khan Mizoram pumah Road Safety Week vawi 37-na an hmang tan a, district khawpuiah a hawnna inkhawm neih a ni bawk a ni. Pungkhawm JNV School, Mamit-in Mamit Dinthar Bazar building an luah an duh lohzia lantir nan Thawhlehni khan JNV School kawtah Mamit Hmarveng mipui an pungkhawm. Khaw fai ber Biate khua chuan Mizorama khawpui (Census town) fai bera thlan an nih chu nimin khan an khuaa Zialung Hall-ah an lawm a, Zodintluanga, UDPA minister in khuallian niin a hmanpui. Faith Tour nei KTP, Mission Veng Branch, Synod Campus Ministry leh Ravi Za-cha­rias International Ministries (RZIM)-te chuan Thawhlehni khan Tuikhuahtlang Kohhran Hall-ah Aizawla KTP branch hrang hrangte pualin Faith Worth Believing Tour 2017-an buatsaih tan a, Nilaini khan Mission Veng Kohhran Hall-ah chhunzawm a ni bawk. Mamitah sem Mamit District Legal Services Authority (DLSA) chuan Thawhlehni khan The Mizoram Victims of Crime Compensation (Amendment) Scheme, 2016 hnuaiah Mamit district-a mipat hmeichhiatna kawnga tawhsual tâwkte leh tual­thahna vanga tawhsual tâwk chhungte hnenah zangnadawmna an sem. Raltlante tlawh Lawngtlai DC Dr Arun T chuan November 28, Thawhlehni khan sorkar official dangte nen Lawngtlai district chhim tâwp lama Myanmar atanga Zo hnahthlak raltlan lo lutte an tlawh a; an mamawh hrang hrangte zir chiangin, hmalak dan tur an sawiho nghal. Tlangzarh Germany sorkar hmalaknaa ruahman, sik leh sá inthlak dang­lam nasa lutuk tihziaawmna tur, 'International Climate Initiative (IKI) - Biodiversity and Ecosystem Services in Agrarian Landscapes' chu Advanced Research Centre for Bamboo and Rattan (ARCBR), Bethlehem Vengthlangah Thawhlehni tlai khan chief minister Lal Thanhawla'n a tlangzarh. Kum 50 tlin lawm Project Pushpak chuan November 30, Ningani tlai khan Lammualah an kum 50-na, golden jubilee an lawm. Mass casual leave Federation of Mizoram Government Employees and Workers FMGEW Executive Committee member-te Thawhlehnia thukhawm chuan, 7th. Pay anga hlawh pe tura sorkar nawr nan December 6-8, 2018 chhung a huhoa chawlh, mass casual leave lak an rel. World AIDS Day December 1, 2017 Zirtawpni kha World AIDS Day a ni a, Aizawlah chuan Chanmari YMA Hall-ah hman niin Health minister Lal Thanzara'n a hmanpui. MSACS chhinchhiah August 2017 thleng khan Mizoramah HIV hrik pai mi 15,633 hmuh chhuah an ni tawh. Sawiho All Mizoram Womens' Federation (AMWF) chuan Zirtawpni khan NLUP Conference hall-ah kohhran leh sakhua lama hmeichhiate dinhmun zirhona leh sawihona an buatsaih. Zero Littering Zone Mission Veng Local Council chuan an veng chhunga Sikulpuikawn leh a chhehvel chu bawhhlawh awm lohna leh bawlhhlawh paih khapna hmun, Zero Littering Zone-ah Zirtawpni khan an puang. e-leave application Internet online atanga leave application thehluhna tur, e-Leave Application chu Zirtawpni khan CS conference hall-ah chief secretary Lalmalsawma'n a hawng.