Hall hawng Ni 28.11.2016 (Thawhtanni) khan Chief Minister Lal Thanhawla chuan New Siaha a Model Youth Association (MYA) Multipurpose Hall, Backward Regions Grant Fund (BRGF) sum hmanga sak chu a hawng. Hawng Social Welfare Department buatsaihin ni 28.11.2016 (Thawhtanni) khan Anganwadi Workers Training Centre, Laipuitlang ah Mizoram Anganwadi Centres te tana kalphung thar 'implementation of ECCE Curriculum' hawnna hun hman a ni. Hal MNF Thalai chuan ni 28.11.2016 (Thawhtanni) chhun dar 12:30 khan Hnam Run kawtah Lunglei DC in ni 18.11.2016 (Zirtawpni) a Circular a chhuah copy chu an hal. Workshop Ni 28.11.2016 (Thawhtanni) khan Aijal Club ah Handloom leh handicrafts a sumdawng te puala E-Commerce leh online marketing workshop, NEDFi in a buatsaih chu Commerce & Industries Minister Pu H.Rohluna chuan a hmanpui. Hrilhfiah MNF Policy & Programme Drafting Committee te chuan ni 28.11.2016 (Thawhtanni) khan MNF Policy & Programme an siam puitlin tak chu MNF Elected OB te Power Point Presentation hmangin an hrilhfiah. Novehicle zone Ni 29.11.2016 (Thawhlehni) a Home Minister hova Co-ordination Committee on Traffic Managment thukhawm chuan kumin Krismas leh Kumthar vuakveta kawngpui tih thawl nan December ni 23, 24 leh ni 31 ah te Bazar kawngpui lun laiah lirthei tlan phal lohna 'No Vehicle Zone' siam leh ni se tih an rel. Fimkhur hapta Transport Minister John Rotluangliana chuan ni 29.11.2016 (Thawhlehni) khan ZDU Gen. Headquarter office Chaltlang Lily Vengah Zoram Drivers’ Union huaihawt 36th Road Safety Week ( Fimkhurna Hapta) 29th November - 5th December, 2016 chhung awh tur a hawng. Report pe November ni 24&25, 2016 a Gujarat tlawhtu High Level team te chuan ni 29.11.2016 (Thawhlehni) khan Aizawl Press Club ah an zin report an pe a, an hruaitu Finance Minister Lalsawta chuan, "Mizoram ah hnathawh aia awlsam taka sum lakluh tum an awm thin a, hei hi kan tihtawp a ngai a ni," a ti. Thehlut Ni 28.11.2016 (Thawhtanni) khan Joint Action Committee on Inner Line Reserve Forest Demand Committee chuan Aizawl Press Club ah thuthar lakhawmtute an kawm a, Chief Minister hnenah lehkha thehlutin Assam Forest ten an enkawl mek Inner Line Forest chu Mizoram in enkawl ve tawh tura phutna lehkha an thehlut a. An thu thehluh  hi January ni 17,2016 ral hma ngeia hma la turin an beisei tih an sawi a. An huntiam chhunga hmalakna a awmlo anih chuan January 2017 hnu lamah chuan JAC chuan a tul angin hma a la tawh dawn niin an sawi. Hawng Ni 29.11.2016 (Thawhlehni) khan Vanapa Hall-ah Regional Sales of Articles of Rural Artisans Society (SARAS) Fair 2016 hawnna puala inkhawm leh Self Help Groups (SHGs) titha te chawimawina hun hman a niin RD Minister R.Lalzirliana chuan a hmanpui. Account hawn runpui SBI, Aizawl DC leh L&E Deptt. tangkawp chuan ni 30.11.2016 (Nilaini) khan mipui nawlpuite tan Bank Account hawnna runpui “Grand Bank Account Opening Mela” chu Vanapa Hall-ah an buatsaih a, mi thahnem takin Account an hawng. CM in hawng Chief Minister Lal Thanhawla chuan ni 30.11.2016 (Nilaini) khan AH &Vety Department hmun Mampui ah ran vulh lama a tihpunna lamah hma lakna thar pathum - ar note awp keuna tur Hatchery Farm, bawng no vulh puitlinna tur Calf Rearing Farm leh vawkpui vulh atanga a note tihpunna tur Pig Multiplication Farm te chu a rualin a hawng. NABARD in pe NABARD, Mizoram Regional office chuan tun hnai khan Mizoram tan Rural Infrastructure Development Fund hnuaiah loan cheng nuai 9595.71 a sanction a. Aizawl, Mamit, Lunglei leh Champhai District a thingtlang khaw inkalpawhna kawng 4 leh Lei (Bridge) 4, a thar leh a hlui siamthatna atan hman tur a ni.