Hal Pathianni kalta tlai khan Khawrihnim tlangval pathumte chuan Reiek tlang an hal a, Reiek khawtlang chuan manin Police kutah an hlan. Tirchhuak Ni 4.2.2018 (Pathianni) khan Mizoram Presbyterian Kohhran hnuaia Synod Mission Board chuan kumin atana Missionary hnathawk tur 85-te tirhchhuahna hun Chawnpui Presbyterian Biak Inah an hmang. Cancer day Health Minister Lal Thanzara hovin ni 5.2.2018 (Thawhtanni) khan Mizoram State Cancer Institute (MCSI), Zemabawk-ah World Cancer Day 2018 pualin hun hman a ni a; Health Minister chuan “Shelter for Cancer Patients”, cancer natna veite chawlh hahdamna tur, UD&PA Department kaltlanga building sak thar chu a hawng nghal. Ruihhlo sawiho Central YMA hruaitute leh MKHC hruaitute chuan Thawhtanni (5.2.2018) chawhnu dar 1 khan ruihhlo chungchanga inrawnkhawmna, Synod Committee room-ah an nei. Gas sawiho FCS&CA Minister John Rotluangliana hovin ni 5.2.2018 (Thawhtanni) khan a office chamber-ah mi pawimawh ten LPG harsatna leh thil pawimawh hrang hrangte an sawiho. Hnatlang Ni 6.2.2018 (Thawhlehni) khan Mualpui-a Govt. Aizawl College New Campus tur chu College zirlaite leh zirtirtuten humhalh hnatlang an nei. Sem Aizawl West III bialtu MLA Vanlalzawma chuan ni 6.2.2018 (Thawhlehni) khan Khatla South YMA Hall-ah a bial chhung YMA Branch 4 hnenah khawtlang tana an hman tangkai turin Oxygen Concentrator/Generator a sem. Hawng Ni 6.2.2018 (Thawhlehni) khan Kulikawn Health Workers Training School Conference Hall-ah Health & Family Welfare Minister Lal Thanzara’n CD4 Counting Machine pathum mipui hman theih turin a hawng. Centre thar Social Welfare Department-in hmeichhia hleilenna tuar leh baihvaite tana awmna tur, Durtlanga a buatsaih “One Stop Centre” (OSC) chu Thawhlehni khan Social Welfare Minister P.C Lalthanliana’n a hawng. Hlan PWD Aizawl Road South Division hnuaia Samtlang to Lungleng kawng km 12 a thui chu Branch YMA ve ve ten kum khat chhung an enkawl zui turin Thawhlehni (6.2.2018) tlai khan bialtu MLA KS Thanga, Agriculture Minister chuan Samtlang a inkhawmah a hlan. Kawm Mizoram Governor Lt.Gen.Nirbhay Sharma chuan Nilanini khan National Integration Tour-a kal zirlai naupangte a chenna inah a kawm. FIR thehlut MZP chuan ni 7.2.2018 (Nilaini) khan Kawnpui Police Station-ah First Information Report thehlutin Hortoki ram chhunga Chakma chhungkua paruk inbenbel an tum nia sawiin hmalaksak turin an ngen. Press kawm Ni 8.2.2018 (Ningani) khan AMC Mayor PC Lalhmingthanga chuan Aizawl Press Club-ah thuthar lakhawmtute a kawm a, Aizawl khawpui tan bawlhhlawh paih motor ruahman belh anih thu sawiin harsatna thleng chu a ziaawm tawh dawn niin a sawi. Thisen pe Mizoram Pradesh Youth Congress Committee (MPYCC) chuan kum tina an lo tih tawh thin angin Ningani khan MPYCC Room, Congress Bhawan-ah thisen pek runpui an buatsaih a, mi tlawmngaiten unit 125 an pe. Khawmpui Mizoram Government Drivers' Association (MGDA) chuan ni 8.2.2018 (Ningani) khan Synod Conference Hall-ah General Conference vawi 27-na an hmang a, PWD Minister Lal Thanzara chu khuallian a ni. Lung phum Ni 8.2.2018 (Ningani) khan Mizoram Secretariat Complex-ah NEDP hnuaia project pawimawh tak, Development of Indigenous Technological Innovation in Mizoram hmalaknain khawl hrang hrang leh thil tangkai tak tak siamchhuahna tur in, Innovation Facility Centre (IFC) building sakna tur lungphum chu Planning Minister Lalsawta’n a phum.