The Week CM in hawng Ni 6.2.2017 (Thawhtanni) khan Chief Minister Lal Thanhawla chuan February ni 6-12,2017 chhunga hman tur Kangmei Ven Hapta, ‘Fire Prevention Week 2017’ chu a hawng. Kumina kangmei ven hapta thupui atan ‘Ram Tikangtu - Ram Hmelma’ tih chu thlan a ni. Fimkhur hapta Ni 6.2.2017 (Thawhtanni) khan Mizoram State Road Safety Council buatsaihin I&PR Auditorium-ah 28th Road Safety Week hawn ani a, Transport Minister John Rotluangliana chu khuallian niin Health Minister Lal Thanzara chu khualzahawm a ni. Gas man Legal Metrology Enforcement chuan ni 6.2.2017 (Thawhtanni) khan Hunthar leh Edenthar inkar ah Gas Agency hrang hrang a dah tur Silchar Bottling Plant lam atanga lak, Gas cylinders phur truck engemawzat endikin a buk tling lo 1145 an man. Poster tar Ni 6.2.2017 (Thawhtanni) zan khan eptu party pathum ZNP, MPC leh BJP thalai te chuan NIAS buaina kal zelah a mawhphurtu a an puh LE&IT Minister Lalrinmawia Ralte leh MYC Chairman T.Sangkunga te ban phutnan leh thil awmdan chhuichhian phutnan Aizawl khawpui hmun engmaw zatah poster an tar. Dang Ni 7.2.2017 (Thawhlehni) atang khan Zirtawpni thleng Mizo National Front Action Committee-in a lo rel tawh angin LE&IT Minister Lalrinmawia Ralte leh MYC chairman T Sangkunga te office kai tur chu hmun hnihah an dang. Thi Mizoram UPC dintu Rev. Saihnuna (92) chu ni 7.2.2017 (Thawhlehni) zan dar 10:05 khan Cancer natna vangin an chenna in Bungkawnah a thi a, Nilaini chhun dar 12 khan  UPC General Superintendent Rev. Ngur-thanpara Sailo in a vui. Hawng Thingtlang khuaa cheng, in neilo leh di ina khawsa te tana in thar sakna tur leh in chhe tawh thawmthatna tura sawrkar laipui hmalakna pawimawh tak Pradhan Mantri Awas Yojana - Gramin (PMAY-G) chu ni 7.2.2017 (Thawhlehni) khan Assembly Annexe Conference Hall-ah Rural Development Minister R.Lalzirliana'n a hawng. Thlirlet Ni 7.2.2017 (Thawhlehni) khan Chief Minister Lal Thanhawla leh Minister Lal Thanzara hovin Public Works Department-a hotulu leh Engineer rual ten CM Conference hall-ah Department hnathawh leh hmalak mekte thlirna ‘Review of Works’ an nei. Fish Festival Mizoram Fish Festival hmasa ber chu ni 8.2.2016 (Nilaini) khan National Fisheries Development Board (NFDB) buatsaihin tan a ni a, Chief Minister Lal Thanhawla'n Vanapa Hall-ah a hawng. Festival neih chhung hian man tlawm zawkin sangha zawrh a ni. Nuar Mizoram CSS Hindi Teacher Association chuan thla 10 chuang hlawh an lak loh vang leh an thawh chhunzawm zelna tura Mizoram sorkar atanga thu lawmawm an hriat loh avangin ni 8.2.2017 (Nilaini) atang khan ‘Pen-down Strike’ an nei. Cabinet meeting Ni 8.2.2016 (Nilaini) khan Chief Minister Lal Thanhawla hovin Council of Ministers chu Chief Secretary’s Conference Room, New Secretariat-ah an thukhawm a, thu ngaihtuah tur Agenda 27 chhawpchhuah a nih bakah Additional Agenda 5 ngaituah turin an chhawpchhuak. Khawmpui Mizoram Thalai Kristian Pawl (MTKP) Rorel inkhawm vawi 63-na chu ni 9.2.2017 (Ningani) zan atang khan Mizoram Baptist Kohhran Biak In, Lunglei Zotlang North-ah neih tan a ni. Zirho Ni 8.2.2017 (Nilaini) khan State Institute of Rural Development & Panchayati Raj (SIRD&PR), Mizoram, Durtlang Leitan buatsaihin Village Council Member te tan ‘Gram Panchayat Development Plan’ training ni thum chhung awh tur chu tan a ni. Lalsawma boral Rev Lalsawma (87) chu chenna Mission Vengthlangah February 9,2017 zing dar 2:25 khan a boral. Rev.Dr. Lalsawma hian state chhung leh pawnah Kohhran rawngbawlna chanvo pawimawh tak tak a chelh a, Padma Sri Award hial pawh a lo dawng tawh a ni. %%%% Tawi MYC in hna hmuhsak Mizoram Youth Commission (MYC) atanga thudawn danin mi 11 chuan Mizoram Youth Commission kaltlangin Veera International, Mumbai ah hna an hmu a. MYC kaltlang tho hian Bahrain ah hna hmu 6 an awm bawk a, heng mite pawh hi Bahrain panin an chhuak tep tawh niin Mizoram Youth Commission chuan Zalen a hrilh. Thisen pe Nimin khan Model Veng branch KTP chuan damlo mamawh apiangte hman turin Synod Hospital ah thisen unit 33 an pe. Bomb puak Zirtawpni zan dar 9 pelh hret khan Upper Republic a Labour & Employment Directorate ah mi tutih hriatloh ten geletine nia hriat bomb an tipuak a, office bang leh darthlalang engemaw zat a chhia. Bomb tipuaktute hi tute nge an ni hrih lova, Police lamin an chhui mek. Nimin khan Labour & Employment Department lam chuan bomb puakin thil a tihchhiat thawmthat hna an thawk nghal niia thu dawn a ni bawk.