Himna hapta Road Safety Week vawi 29-na chu ni 12.2.2018 (Thawhtanni) khan Mizoram hmun hrang hrangah hman ?an a ni a, week hi Assembly Annexe conference hall-ah Transport Minister John Rotluangliana'n a hawng. Report tarlan danin kum 2017 chhungin Mizoram-ah lirthei chetsualna vangin mi 51 an thi.   Hawng Project Pushpak hnuaia Lawngtlai-Diltlang-Parva kawnga Kawrawng lui kaina lei (RCC bridge) metre 72.50-a thui dawh thar chu ni 12.2.2018 (Thawhtanni) khan Governor Lt. Gen. Nirbhay Sharma-a'n a hawng.   Fire week State Level Fire Prevention Committee bultumin ni 12.2.2018 (Thawhtanni) khan Mizoram hmun hrang hrangah Fire Prevention Week 2018 hawn a ni. A hawnna pui ber, Aizawl-ah chuan Administrative Training Institute (ATI) conference hall-ah Home Minister R Lalzirliana'n a hawng.   Lei chim Ni 13.2.2018 (Thawhlehni) zing dar 9:45 vel khan Sesawng leh Khawruhlian inkara Tuirini lei (Bailey Bridge) PWD in an dawh mek chu a chim a, lei chim vang hian HC Lalfakzuala (46) s/o Kamlova (L) Sesawng Venglai chu a hmunah thiin Laltleipuia Hmar (27) Sesawng khua vêk chuan hliam a tuar.   DC ruat Ni 13.2.2018 (Thawhlehni) khan Chief Minister charge la mektu Home Minister R.Lalzirliana hovin emergency meeting neih a ni a, Tuirini lei chim chhui turin Aizawl DC an ruat a, thla 3 chhunga report thehlut turin an ti bawk.   CM in kawm Sawrkar hna pawimawh thawka New Delhi a cham mek Chief Minister Lal Thanhawla chuan Thawhlehni khan Union Home Minister Rajnath Singh leh Defence Minister Nirmala Sitharaman te kawmin thil pawimawh tak tak a sawipui.   HIV sawiho Ni 13.2.2018 (Thawhlehni) khan Health Minister Lal Thanzara hovin Synod Office-ah Mizoram Synod hruaitute leh Mizoram State Aids Control Society hotute thukhawmin Mizorama HIV/AIDS darh zel tur venna kawnga hmalak dan tur an sawiho a ni.   Lui thian Aizawl DC Office leh Save Chite Lui Coordination Committee tangkawpa buatsaihin ni 13.2.2018 (Thawhlehni) khan Aizawl College leh Aizawl North College NSS Unit-te chuan Chite Lui chawmtu pahnih Chanmari Lui leh Mirawng Lui thenfai hnatlang an nei.   Ban phut Mizo National Front thuneitu sang National Core Committee leh Public Affairs Committee Member te ni 14.2.2018 (Nilaini) a thukhawm chuan Tuirini lei chim vangin PWD Minister chu bang turin an phut.   TB vei Ni 14.2.2018 (Nilaini) khan Reception Hall, Aijal Club-ah TB enkawlna chungchanga Review Meeting neih a ni. Report tarlan danin January-December 2017 chhung khan Mizoram ah TB vei nia rinhlelh exam 8129 awmin TB vei hmuhchhuah 1931 an awm.   Thisen pe Association for Voluntary Blood Donation (AVBD) chuan an thawhpui pawl dangte nen ni 14.2.2018 (Nilaini) khan Valentine's Day pualin Aizawl leh district khawpui tinah blood donation camp an huaihawt a, Mizoram pumah mi 944 in thisen an pe.   Hawng Synod Hospital, Durtlanga chapel an sak thar chu Nilaini khan Synod Moderator Rev. F Lalrinnunga'n a hawng.   ODF ah puang Pawna inthiar awmlohna ‘Open Defecation Free’ District chawimawina Certificate chu ni 14.2.2018 (Nilaini) khan Kolasib DC R Zarzosanga kutah hlan a ni.   Thlen PRISM Party chuan Serkhan-a Chief Minister thuihruai ten Lalbiakzuala kut an thlak chungchang chu ni 14.2.2018 (Nilaini) khan National Human Rights Commission-ah an thlen.   Ban phut Ni 15.2.2018 (Ningani) a party pathum MNF, MPP leh PRISM aiawh kalkhawm chuan Tuirini lei chim chungchang sawihovin PWD Minister bang turin an phut.   Convention Ni 15.2.2018 (Ningani) khan Chanmari YMA Hall-ah Zofa Global Network buatsaih in 1st Zofa Global Convention neih a ni.