Vailiam Assam Rifles leh Mizo Zirlai Pawl (MZP) thawhhonaa Assam Rifles Motivation Tour-a kal tur College zirlai mi 30-te chu ni 19.2.2018 (Thawhtanni) khan Sipai Lammual atangin Finance Minister Lalsawta'n a vailiam. Road safety Traffic Police-te chuan ni 19.2.2018 (Thawhtanni) khan Aizawl Press Club-ah thuthar thehdarhtute tan kawngpuia himna (road safety) chungchanga thil pawimawh hrang hrang inhrilhhriatna hun an buatsaih a, IPR Director David L.Thangliana'n a hmanpui. Museum week Mizoram State Museum chuan ni 19.2.2018 (Thawhtanni) khan Museum Week an hmang tan. Week chhung hian Museum chu a duh apiang tan a thlawna tlawh theih a ni. SRS dinthar Central YMA in ruihhlo do tura a din Supply Reduction Service (SRS) batch 6-naa mawhphurtu turte Pathian hnena hlanna leh meeting hmasa ber chu Thawhtan zan dar 7 khan Central YMA Hall, Tuikhuah tlang-ah neih a ni. Tanpuina sem Congress party zirlai pawl, National Students’ Union of India chuan Aizawla HSLC exam hmachhawn tura study camp nei mek sorkar high school 10 hnenah ni 19.2.2018 (Thawhtanni) khan tanpuina an sem a, heng an thil sem te hi Planning Board vice chairman H.Liansailova'n a vai liam. Thukhawm Save Chite Lui Executive Committee chu Thawhtanni kalta khan an Chairman Pu Lalmalsawma, Chief Secretary hovin Chief Secretary Conference Hall-ah an thukhawm. ILR sawiho Ni 20.2.2018 (Thawhlehni) khan MZP Conference hall-ah Mizoram leh Assam State ramri chungchangah seminar neih a ni a, Inner Line Forest Reserve Sq. Miles 509 chu Mizoram sorkar enkawl tura laklet anih theih nana hmalak an rawt. Hmanpui Finance Minister Lalsawta chuan ni 20.2.2018 (Thawhlehni) khan Mission Vengthlang YMA Hall-ah Mizo Cultural Organization (MCO) General Assembly vawi 12-na a hmanpui a, Mizo hnam ziarang tha lai chhawmnungtu pawl MCO hmalakna hrang hrang chu lawmawm a tih thu a sawi. State day February ni 20,2018 (Thawhlehni) kha Mizoram in state a hmuh champha 'State Day' a ni a, zirna in leh pisa te khar a ni. Nuar Ni 21.2.2018 (Nilaini) zing atang khan tiam chin awm lovin Mualkhang Gas Bottling Plant-a hnathawktu, Labour te chu an nuar a, hei vang hian helai hmun atang hian gas phurhchhuah theih a ni hrih lo. Tlawh PWD Minister Lal Thanzara chuan ni 21.2.2018 (Nilaini) khan Aizawl-Thenzawl- Lunglei Road ‘World Bank Road’ tia hriat, dinhmun leh rigid pavement hnathawh mekte a en. Hnathawh en New Secretariat Complex hmuna Youth Recreational Centre-cum-Amalgamated Office Complex for Sports & Youth Services Department Office Building sak mek chu ni 21.2.2018 (Nilaini) khan Sports Minister Zodintluanga’n a hmunah tlawhin hnathawh dan a enfiah. Hmanpui Home Minister R.Lalzirliana chuan ni 21.2.2018 (Nilaini) khan Durtlang MC Hall Auditorium-a Mizoram Upa Pawl, Durtlang Unit Annual Meeting neih chu khuallian niin a hmanpui. Thawkho Ni 22.2.2018 (Ningani) chhun dar 12 khan Mizoram Peoples Party (MPP) chuan Mizoram People's Movement (ZPM) nen an thawkho ta tih Aizawl Press Club-ah an puang. FIR thehlut MNF Party chuan ni 22.2.2018 (Ningani) khan NIAS chungchang chhuichiang tura ngenna FIR chu Anti Corruption Bureau SP, John Zothansanga hnen ah an thehlut. Zirho Ni 22.2.2018 (Ningani) khan Assembly Annexe Conference Hall-ah Social Welfare Department buatsaihin naupang dikna chanvo humhalhna dan -Juvenile Justice (Care and Protection of Children) Act, 2015 leh Protection of Children from Sexual Offences Act, 2012 chungchang zirhona hun neih a ni.