Ni 30.1.2017 (Thawhtanni) khan Directorate of Agriculture Conference Hall ah kum liamta chhunga Agriculture a Mizoram sawrkar hmalakna leh hlawhtlinna te Agriculture Minister Pu R.Lalzirliana hovin thlir let a ni. Tax hmu tha Ni 30.1.2017 (Thawhtanni) khan AMC Commissioner Dr. H.Lalthlangliana chuan a office ah Press mi thenkhatte hnenahsawrkar kum kal mekah Property Tax atangin nuai 189 an hmu a ti. Hmanpui Ni 30.1.2017 (Thawhtanni) khan Health & Family Welfare Minister Lal Thanzara chuan World Leprosy Day puala Synod Conference Centre-a hun buatsaih chu a hmanpui. College week Ni 30.1.2017 (Thawhtanni) khan Forests Minister Lalrinmawia Ralte chuan Government Aizawl North College Week Closing Function Vanapa Hall a neih chu a hmanpui. CM in hawng Ni 31.1.2017 (Thawhlehni) khan Chief Minister Lal Thanhawla chuan Social Welfare Department enkawl Hunthar Venga awm Protective Home complex a building pali, NEC sum nuai 275.72 senga chei that a hawng. Inhlanthar Mizoram Journalists’ Association General Headquarters chuan ni 31.1.2017 (Thawhlehni) khan Aizawl Press Club ah kumthar, 2017 atana member inhlantharna leh tunhnaia MJA member-a lak thar mi 4 te lawmluhna hun an hmang. HM in sem PHED leh Fire & Emergency Services huaihawtin ni 31.1.2017 (Thawhlehni) khan Aizawl khawpui chhunga YMA Branch 81 te hnenah kangthelh a tul huna tui chawina hmanrua chu Vanapa Hall-ah Home Minister R.Lalzirliana'n a sem. Heroin man Ni 31.1.2017 (Thawhlehni) zing dar 9 khan Aizawl Bazar Sumo Stand-ah Heroin (No.4) hawng 32, local market rate-a Rs.nuai 16 hu chu Mizoram Police-ten an man a, Heroin neitu a puh mi 2 an man bawk. Hawng Health & Family Welfare Minister Lal Thanzara chuan ni 31.1.2017 (Thawhlehni) khan Aizawl Civil Hospital, Surgery OPD tualah  Zenghri danna pek beihpui "Intensified Pulse Polio Immunization" a hawng. Kangmei Chief Secretary Lalmalsawma chuan ni 31.1.2017 (Thawhlehni) khan Mizoram district hrang hranga Deputy Commissioner te chu kangmei chungchangah Video Conferencing a neih pui. Sum lo thleng Ni 31.1.2017 (Thawhlehni) khan School Education Minister H.Rohluna leh Parliamentary Secretary Joseph Lalhimpuia te nawr chhuah SSA sum cheng nuai 7228 sanction letter nen Aizawl an lo thleng. Hmanpui Finance Minister Pu Lalsawta chuan ni 31.1.2017 (Thawhlehni) khan Junior Engineer Service Association of Mizoram (JESAM), Conference vawi-2 na Tourist Lodge Chaltlang-ah a hmanpui. Pungkhawm Thuampui Branch YMA te chu ni 1.2.2017 (Nilaini) tlai khan AMC Office bula an thingphun chu Aizawl Municipal Commissioner Dr.H.Lalthlangliana'n a naute kih tir nia sawiin an duh lohna lantirin AMC office kawtah an pung khawm. Kawngzawh Salvation Army, India Eastern Territory Centenary Prayer Sub Committee buatsaihin ni 1.2.2017 (Nilaini) khan Aizawl atanga Sawleng thleng turin Prayer Walk neih a ni. ZoRO khawmpui ZoRO huaihawtin ni 1.2.2017 (Nilaini) zan khan ni 3 awh tur inpumkhatna leh insuihkhawmna programme chu Diakkawn YMA Hall ah neih tan a ni a, a hawnna ah hian Chief Minister Lal Thanhawla chu khuallian a ni. Hawng Ni 1.2.2017 (Nilaini) khan Civil Service Coaching Centre chu Pachhunga University College-ah Dr. C. Vanlalramsanga Planning Secretary in a hawng. Meeting Ni 1.2.2017 (Nilaini) khan PHQ Arya Mess ah Mizoram Police DIG (Northern Range) hnuaia District zawng zawngte half yearly crime review meeting an nei a, LT Hrangchal chuan a ho a ni.