Pangpar dah October ni 2,2016 (Pathianni) kha India Hnam Pa Mahatma Gandhi piancham a ni a, amah zahna lantir nan zing dar 7:30 khan a lim Zodin Square ah Larsap Lt. Gen. (Rtd.) Nirbhay Sharma, Chief Minister Lal Thanhawla, Assembly Speaker Hiphei leh mi pawimawh ten pangpar an dah. Kum 2007 khan United Nations General Assembly chuan Gandhi pianni hi International Day of Non-Violence ah an lo puang nghe nghe a ni. Lawmpui Pathianni khan Hachhek Constituency Development Committee chuan an bialtu MLA Lalrinmawia Ralte, Minister in tun hnaia YMCA atanga khawvel pum chawimawina sang "Suvarna Mudra Award" a dawn lawmpuina an nei. Dincham Chhandamna Kohhran (Salvation Church of India) chuan Pathianni khan an kum hnih tlin an lawm. Hmanpui Thawhtanni khan Aijal Club ah Health Minister Pu Lal Thanzara’n launching of Prison HIV Intervention a hmanpui a, NACO (National AIDS Control Organisation) CDC (Centers for Disease Control and Prevention ) leh FHI 360 (The Science of Improving Lives) te buatsaih ‘HIV Prevention, Care and Treatment Services in Prisons of North Eastern States of India’ bu a tlangzarh nghal bawk. Hawng October ni 3-5,2016 chhung neih tur, Hnam Chhantu buatsaih Autumn Exhibition 2016 chu Thawhtanni khan Commerce and Industries changtu Parliamentary Secretary Joseph Lalhimpuia chuan Vanapa Hall-ah a hawng. MNYF in ngen MNF Thalai hruaitu thenkhat te chu Thawhtanni khan Land Revenue and Settlement Deptt. Office Khatla-ah kalin Mizoram sawrkar in chhiah rate thar a siam The Indian Stamp (Mizoram Amendment) Act 2016 chu lo hmang rih lo turin hnathawktute an ngen. Fai kawngzawh Aizawl Municipal Corporation huaihawtin Thawhtanni zing dar 6 khan Faina hapta 'Cleanliness Week 2016' pualin  AMC Cleanliness Run neih a ni a, Chamari kawn atang leh Sikulpuikawn atanga tlanin Lammual ah an intawkkhawm leh a ni. Hawng Taxation Minister Lalsawta chuan Thawhtanni khan ni 5 awh tur National Academy of Customs, Excise & Narcotics (NACEN) leh Taxation Department-te huaihawt Goods & Services Tax (GST) Level-IV Training Assembly Annexe-a neih chu a hawng. Tuilian in la Thawhlehni tlai dar 3:30 vel khan Aizawl Electric Veng leh Ramthar Veng inrina Theihai Lui ah Ramthar Veng naupang 4 te chu Sabereka khuangkaihin a la a, an vai hian an boral. Vailiam Thawhlehni khan Spicejet Airlines Aizawl-Kolkata flight hmasa ber chu Lengpui Airport atangin Mizoram Governor Lt Gen Nirbhay Sharma chuan a vailiam. HM in hmanpui Home Minister R. Lalzirliana chuan Thawhlehni khan Law Enforcement, Prison official-te leh Sunrise Project in Excise & Narcotics Department Conference Hall-a State Level Consultation an neih chu a hmanpui. FIR thehlut MZP chuan Mizoram Agro & Allied Products, Luangmual ten zirna an kalpui danah thil fel tawk lo a awm nia hria in Thawhlehni khan a neitu Solomon Vala S/o Lalhmingthanga leh school chhuichiang tura ngenna Zonuam Police Outpost ah an thehlut. Larsapin hawng Ni hnih awh tur rualbanlote chungchang zirhona chu Thawhlehni khan SCERT Auditorium ah tan a ni a, Larsap chuan a hawng. Training State Disaster Management Authority (SDMA) chuan Thawhlehni atang khan Central YMA in a thlan bikte tan Central Training Institute (CTI) Sesawngah State Disaster Response Force Basic Training a buatsaih tan. Zirhona tan Ni hnih awh tur Act East Policy kalpuina tura Mizoram pawimawhna leh remchhanna te sawihona leh inrawmkhawmna International Seminar on “Mizoram, Gateway to South East Asia? What needs to be done?” tih chu Nilani khan Mizoram University Auditorium ah neih tan a ni. HPC nen inbia Mizoram sawrkar aiawh leh Hmar People's Convention (Democratic) HPCD aiawh te inbiak tum 2-na chu Nilaini khan Sate Guest House ah neih a ni.