Vantawng teh Zotrek leh Mission Veng Youth Adventure Club-te chuan, January 6-7, 2017 khan Mizorama tui khawthla sang ber Vantawng khawthlahah kalin, a sàn záwng dik tak hriat tumin an teh a, mi 30 an kal. Vantawng hi ft. 751 nia sawi thin a ni a, mahse ft. 660 niin a tehtute hian an sawi. Puang Mizorama khawpui panga Aizawl, Champhai, Khawzawl, Biate leh Khawhai khua te chu sawrkar laipui aiawhte'n an enfiah hnuah páwn lama inthiar awm lohna, open defection free (ODF)-ah a puang. Pisa hawng Ni 9.1.2017 (Thawhtanni) khan kumin atan Central YMA Office chu hawn tan a ni a, Central YMA pisa hawn a nih rual hian Sub-Headquaterrs YMA Office hrang hrang, Lunglei, Champhai, Kolsib, Serhhip leh Mamit-te pawh hawn nghal a ni. Himna hapta January 9-15, 2017 chhung awh tur, 28th Road Safety Week chu ni 9.1.2017 (Thawhtanni) khan Lunglei SP conference hall-ah SP Zosangliana'n a hawng. Week pual hian No Tolerance Week hman zui nghal a ni. SSA sawifiah Ni 10.1.2017 (Thawhlehni) khan Parliamentary Secretry (Education) Joseph Lalhimpuia chuan a pisa ah chanchinbumite a kawm a, SSA zirtirtu hlawh pek chungchang sawifiahin November 23-a district tina nuai 847.20 sem chu hlawh atan a nih thu leh a bak nuai 594.11 chuan thla khat hlawh a daih tawh lo a, la kawl that a ni, tih a sawi a. Sum hmuh tawhte chu first instalment a ni tih sawiin, Central-in second instalment la pe lo mah se, Mizoram sorkarin a do letna tur chu Finance department-in December 22 khan a pe lâwk tawh a, mahse, chu chu SSA account-ah a la lut lo niin a sawi. Gas man FCS&CA Dept. Gas man a bithliah thar a, Vairengte tih loh khaw dang zawnga gas distributor-ah domestic gas bûr khat man Rs. 732 a ni a, Vairengte ah chuan bûr khat man Rs. 718 niin home delivery-a hralh a nih chuan rate bituk bakah Rs. 7.53 belh tur a ni a, show­room-a hralh a nih chuan rate bituk a?angin Rs. 18 paih tur a ni thung. Lirthei chesual Ni 10.1.2017 (Thawhlehni) zing dar 5:30 vel khan Guwahati a?anga Mualkhang Gas Bottling Plant pana tlan gas phur bullet MZ-05 - 6589 chu Pualhrang lui lei zawh thelhin lei hnuaiah a tla thla a, bullet khalhtu Kajal Das (27) Silchar chetsualna hmunah a thi. Missionary day Ni 11.1.2017 (Nilaini) kha missionary hmasa pahnih Rev. JH Lorraine (Pu Buanga) leh Rev. FW Savidge (Sap Upa) ten Mizoram leilung an rah ní, Missionary Day a ni a, Baptist Church of Mizoram chuan urhsun takin an lawm a, Presbyterian Kohhran chuan programme an siamlo thung. Meeting Central YMA hruaitute chu ni 11.1.2017 (Nilaini) khan CYMA Committee Room-ah an thukhawm a; Mizoram atanga Manipur-a dan loa tuialhthei phurh luh tur ven zel an rél a, dan loa petrol hralh leh phurtu an mante a tul anga hremna pek ni se, an ti. Hmanpui Ni 12.1.2017 (Ningani) khan Chief Minister Lal Thanhawla chuan Vathuampui khuaa Pang Zirlai Pawl inkhawmpui a hmanpui a, Vathuampui Rest House a hawng nghal. Tlawh Bairabia Tlawng lei dawh mek chu ni 11.1.2017 (Nilaini) khan Kolasib DC H Lalengmawia hoin YMA Sub-Headquarters, Kolasib, Kolasib MJA leh Mamita NGO hruaitute'n an tlawh. Festival Ni thum chhung awh tur North East Theatre Festival -2017 chu ni 12.1.2017 (Ningani) khan Vanapa Hall ah neih tan a ni a, R Romawia, Art & Culture Minister in a hawng. Palai lo zin US Ambassador to India, Richard Verma chuan ni 12.1.2017 (Ningani) khan zan khat riak turin Aizawl a lo thleng a. Excise & Narcotics Department thawktute bakah Mizoram Governor chu a chenna Raj Bhavan ah a hmu a thu pawimawh engngemaw zat sawiin, Governor a hmuh zawh hnu hian Chief Minister nen inkawmin CM Lal Thanhawla hian Ambassador chu zanriah a buatsaih sak bawk a ni.