CM in tlawh Ni 14.1.2018 (Pathianni) khan Chief Minister Lal Thanhawla te chhungkua chuan Kohhran Thianghlim Biakin, Solomona Temple an tlawh a, Executive Committee member ten lo dawngsawngin Temple leh a cheimawite an lo en pui a ni. Induction Ni 14.1.2018 (Pathianni) khan Mizoram chhung leh pawn hmun hrang hrangah Presbyterian kohhran chuan Pastor/Pro.Pastor Induction an nei a, Synod puipaten an hmanpui hlawm. Moderator Rev. F. Lalrinnunga’n E. Lungdar Venghlun Bialah, Senior Executive Secretary Rev. Lalramliana Pachuau in Mission Veng Bial, Executive secretary pahnih Rev. P.C Pachhunga leh Rev. B. Sangthanga te’n Kolasib Vengthar Bial leh Chhingchhip Mualpui Bialah te an hmanpui a ni. Tlangzarh Mizoram electoral roll thar chu 15.1.2018 (Thawhtanni) khan district headquarters hrang hrangah tlangzarh a ni a; Mizoram electoral roll tharah hian voter 7,57,854 an awm a ni. Meeting Ni 15.1.2018 (Thawhtanni) khan Chief Minister Lal Thanhawla hovin CMO Conference Hall-ah February ni 8, 2017 a sawrkarin a lo pawm tawh “Solar Power Policy of Mizoram 2017” hnuaia hmalakna leh hmachhawpte sawihovin meeting neih a ni. Thisen pe Association for Voluntary Blood Donation (AVBD) leh Secretariat Administration Department (SAD)-te chuan ni 15.1.2018 (Thawhtanni) khan Mizoram Secretariat pisa tual ah blood donation camp an huaihawt a, mi tlawmngai ten thisen unit 53 an pe. Pisa hawng Ni 16.1.2018 (Thawhlehni) khan MPC Party office chu kumthar atan hawn tan a ni. Inkawm Mizoram Governor Lt. Gen. Nirbhay Sharma leh Australia-a Indian Consul General B. Vanlalvawna chu ni 16.1.2018 (Thawhlehni) khan Larsap chenna Raj Bhavan-ah inkawmin, tourism lama Mizoram chawikan dan tur an sawi dun. Hawng Ni 16.1.2018 (Thawhlehni) khan Aizawl West II Constituency huam chhung a Matric Exam tur Zirlai naupangte tan athlawn a zirna Free Coaching chu Aizawl West College ah Vanlalawmpuii, Fisheries Minister chuan a hawng. Jubilee Ni 16.1.2018 (Thawhlehni) khan Government Middle School Electric Veng chuan Golden Jubilee an lawm a, School Education Minister H. Rohluna, Health Minister Lal Thanzara leh K. Sangthuama MLA ten an hmanpui. Inhlan thar Mizoram Journalists' Association (MJA) general headquarters chuan ni 17.1.2018 (Nilaini) khan Aizawl Press Club-ah kum 2018 atana inhlan tharna leh thingpui inhona hun an buatsaih a, MJA member thahnem tak an tel. Thehlut Lalhriatrenga Chhangte chuan Serchhip District Court-ah kum 2013 MLA General Election neih dawn a Affidavit diklo thehluh chungchangah Mizoram Chief Minister Lal Thanhawla lakah thubuai ni 17.1.2018 (Nilaini) khan a thehlut. Tlangzarh India ram puma chenna in zawng zawngin êng an neih theihna tura sorkar laipui hmalakna thar, Pradhan Mantri Sahaj Bijli Har Ghar Yojana, SAUBHAGYA tia sawi bawk chu ni 17.1.2018 (Nilaini) khan Synod Conference Centre-ah chief minister Lal Thanhawla'n a tlangzarh. Review Ni 18.1.2018 (Ningani) khan Public Works Department changtu Minister Lal Thanzara hovin Engineer-In-Chief’s Conference Hall, Tuikhuahtlangah Public Works Department thawkten an hnathawhte thlirletna (Review Meeting of Works) an nei. Link road Agriculture Minister KS Thanga chuan ni 18.1.2018 (Ningani) khan a office ah Press mite kawmin kum 10 chhungin Congress sorkar in Link Road KM 1591 a thui siamin NLUP hmangin RKVY sum cheng vbc. 462 chuang a hnuk chhuak tih a sawi. Hmanpui Chief Minister Lal Thanhawla chuan ni 18.1.2018 (Ningani) khan Mizoram Ministerial Service Association (MMSA) General Conference cum Election chu Lal Thanhawla Auditorium-ah khuallian niin a hmanpui.