Hawng New Secretariat Complex-a Mizoram State Pollution Control Board (MSPCB) building thar chu Thawhtanni khan chief minister Lal Thanhawla'n a hawng. MSPCB building thar hi Ministry of Environment, Forest and Climate Change atanga sum hmuh hmanga sak niin, project amount chu cheng nuai 220 a ni. Tla hlum Thawhtanni tlai khan Haulawng khuaa Horticulture department Centre of Excellence chhunga tuikhuahah Haulawng Saichhoh Veng naupang pathum an tla hlum a, Thawhlehni khan vui an ni. YMA-in kawm Central YMA hruaitute chuan, Mizorama ruihhlo hluar lutuk chungchangah Thawtanni khan Myanmar ram chhunga Tiau kama khua, Khawmawiah ruihhlo zuar liante an kâwm a, an thil tih sim turin an ngen. IPS leh Guv India hmarchhak bial tlawh chhuak tura thlan Indian Police Service (IPS) officer, Sardar Vallabhbhai Patel National Police Academy-a proba­tioner mi 17-te chuan Thawhtanni chawhnu khan Governor Kummanam Rajashe­kharan chu Raj Bhavan-ah an kâwm. Kawng tlang Serchhip Sailiam kâwn bula NH-54 kawngpui min chu PWD-in a chhak lam an laih belh hnuah Thawhtanni khan an lai tlang a, lung phah hna an thawk tan leh nghal a ni. Thlawp Lumpsum grand-in-aid higher secondary school awmna khaw pakuaa zirlai pawl 10-te chuan Thawhlehni khan thuchhuah intâwm siamin, Mizoram Govt. Lumpsum Grant-in-Aid Higher Secondary School Association (MIGLAHSSA)-in adhoc aided dinhmuna hlankai phûta sikul an khar mek chu an thlàwp tlat thu an tarlang. La lut Chakma Autonomous District Council (CADC) inthlanpui neih zawh taka chuhtu awm loa tlinga puan, Congress candidate Kali Kumar Tongchangya chu Thawhlehni khan Lawngtlai DC N Chakhai-a'n CADC conference hall-ah rin­awmna thu tiamtirin MDC atan a la lut. Against Drug Abuse Thawhlehni kha ruihhlo hman khaw loh leh tawlhruk dona ní, International Day Against Drug Abuse & Illicit Trafficking a ni a, Lammualah ruihhlo man sa tam tham tak hâl ral a ni. Khuallian, chief minister Lal Thanhawla chuan, ruihhlo chu ram hmasawnna ti?huanawptu a nih thu a sawi. MYC Incentive Mizoram Youth Co­mmi­ssion (MYC) chuan June 26, Thawhlehni zan khan Lal Thanhawla Audito­rium-ah zirlaite hnen­ah Cash Incentive Award an sem a, Chief Minis­ter Lal Thanhawla’n a hmanpui. SHC bill Nilaini khan ni hnih awh tur Mizoram Legislative Assembly session tan a ni a; Home Minister R.Lalzirliana put luh, ‘The Sinlung Hills Council Bill, 2018' chu lungrual taka pass a ni. Bill-ah hian Sinlung Hills Council (SHC) huam chin tur tarlan a ni lo. SRS Central YMA hnuaia ruihhlo dotu, Supply Reduction Service (SRS) batch 6-nate chuan Februa­ry 24 atanga June 27 thleng khan ruihhlo chi hrang hrang Rs. 5,07,52,310 hû an man tih Nilaini khan tarlan a ni. NLUP NLUP Implementing Board (NIB) chuan Nilaini khan kum 2013-a Mizoram Legislative Assembly inthlana Indian National Congress (INC) ticket-a ding, tling zo ta lo mi palite chu an dinna biala NLUP dawng tur thlang turin an hriattir. Statistics Day Zirtawpni khan Mizoram hmun hrang hrangah Statistics Day hman a ni. Aizawlah chuan Economics & Statistics Directorate conference hall-ah hman a ni a, Planning Minister Lalsawta’n a hmanpui. Save Lau Lui Serchhip district-a PHE department leh Swachh Bharat Mission chuan Zirtawpni khan Thenzawl Volleyball Court-ah Thenzawl khaw hual chhuaka lui luang, Lau lui humhalhna ‘Save Lau Lui’ khuhhawnna hun an buatsaih. Hrem Food, Civil Supply & Consumer Affairs (FCSCA) department sub-inspector (SI) thin K.Rokunga chu sorkar buhfai a tihchingpen avangin Aizawl District & Session Court-a special judge (PC Act) Thang Lianmang Guite chuan kum khat chhung jail-a táng tur leh Rs. 10,000 chawi turin Zirtawpni khan a hrem.